लेखनाथ । पोखरा २७ तालचोकस्थित डायमन्ड माध्यमिक विद्यालयमा चौथोे डायमन्ड रनिङसिल्ड खेलकुद प्रतियोगिता सुरु भएको छ ।

विद्यार्थीलाई पढाइको साथसाथै खेलकुदका माध्यमले पनि अगाडि बढाउने उद्देश्यले खेलकुद प्रतियोगिता सञ्चालन गरिएको विद्यालयका निर्देशक माधवशरण उपाध्यायले बताए ।

कक्षा नर्सरीदेखि कक्षा १२ सम्म अध्ययन गर्ने विद्यार्थीबीच विभिन्न विधामा खेलकुद गरिँदै आएको र यस वर्ष पनि निरन्तरता दिइएको विद्यालयका खेलकुद शिक्षक विनोद थापाले जानकारी दिए ।

कार्यक्रममा विद्यालयका संस्थापक प्रिन्सिपल यमबहादुर रोका, व्यवस्थापक प्रमुख हरिप्रसाद लामिछाने, शैक्षिक विभाग प्रमुख सञ्जीव थापालगायतले बोलेका थिए ।

खेलकुदको पहिलो दिन कक्षा नर्सरीदेखि कक्षा ५ सम्म अध्ययन गर्ने विद्यार्थीबीच विभिन्न विधामा खेलकुद सुरु गरिएको छ । बेलुन फुटाउने, चम्चा दौड, खुला दौड तथा कक्षा ४ र ५ छात्राबीच खुला दौड सम्पन्न भए । छात्रबीच भएको फुटबल प्रतियोगितामा कक्षा ५ बि ले कक्षा ४ ए लाई ० का विरुद्ध ६ गोल गर्दै प्रथम हुन सफल भएको विद्यालयका संयोजक दिनेश शर्माले जानकारी दिए ।

खेलकुद अन्तर्गत फुटबल, क्रिकेट, भलिबल, टेबलटेनिस लगायतका खेल खेलाइने विद्यालयमा अतिरिक्त क्रियाकलाप प्रमुख विकास लामिछानेले जानकारी दिए । खेलकुद प्रतियोगिता कात्तिक गतेसम्म सञ्चालन हुने बताइएको छ ।