पोखरा । कास्की जिल्ला अदालत बार एसोसिएसनको नयाँ कार्यसमितिको मंगलबार पदस्थापन भएको छ ।
उच्च अदालत पोखराका मुख्य न्यायाधीश रमेशप्रसाद पोखरेलको प्रमुख आतिथ्यमा नयाँ कार्यसमितिको पदस्थापन भएको हो ।
कार्यक्रममा जिल्ला अदालतका न्यायाधीश दण्डपाणि शर्मा, उच्च सरकारी वकिल कार्यालयका न्यायाधिवक्ता ईश्वरीप्रसाद ढकाल, जिल्ला सरकारी वकिलको कार्यालयका न्यायाधिवक्ता रुद्रप्रसाद सुवेदी, निर्वाचन समिति संयोजक वरिष्ठ अधिवक्ता पदमपाणि देवकोटा, अधिवक्ताहरु सुरेन्द्र थापामगर, भगवती पहारी, दिलमाया भुजेल, शुकदेव गौतम, गोविन्द पौडेल, निर्वाचन समिति सदस्य शिव परियार, कल्पना भण्डारी लगायतले बोलेका थिए ।
यसअघि जिल्ला बारमा नारायणप्रसाद शर्माको अध्यक्षतामा १३ सदस्यीय कार्यसमिति सर्वसम्मत चयन भएको हो । समिति उपाध्यक्षमा लिलावल्लौ न्यौपाने, सचिवमा युवराज पराजुली, सहसचिवमा सीता भट्टराई, कोषाध्यक्षमा भूपराज पोखरेल, सदस्यमा बिनाका शर्मा, कुञ्जनी परियार प्यासी, दीपा कोइराला, सुष्मा ओझा, विमलप्रसाद लामिछाने, दधिराम पौडेल, रुद्रलाल कुँवर र कल्याणी अधिकारी छन् ।