पोखरा । जेष्ठ नागरिक सरोकार समाज नेपाल कास्कीले भक्तपुर जिल्लामा पुगेर ज्येष्ठ नागरिकको सम्मान गरेको छ । समाजले भक्तपुर चाँगुनारायण वडा नं. ६ निवासी १०७ वर्षीया सुनकान्छी लामिछानेलाई उनकै निवासमा पुगेर अभिनन्दन गरेको हो ।
संस्थाका अध्यक्ष भक्तराज श्रेष्ठको अध्यक्षतामा भएको कार्यक्रममा उपाध्यक्ष केशवप्रसाद ढकालले संस्थाबारे जानकारी दिए । संस्थाका सचिव इच्छाबहादुर वाग्लेले सञ्चालन गरेको कार्यक्रममा सदस्यहरु हरिप्रसाद फुयाँल, शरणकुमार लिगल, नुरप्रसाद पराजुली, देवी ढकाल, भगवती फुयाँलले बोलेका थिए ।
सम्मानित व्यक्तित्वको परिवारको तर्पmबाट कान्छो छोरा सीताराम लामिछानेले धन्यवाद व्यक्त गरे । संस्थाका अध्यक्ष भक्तराज श्रेष्ठको नेतृत्वमा ज्येष्ठ नागरिक सरोकार समाज नेपाल कास्कीको टोली भक्तपुर पुगेको हो ।
संस्थाले अहिलेसम्म १ सय वर्ष उमेर काटेका ११ जना वृद्धवृद्धालाई सम्मान गरेको छ । ती मध्ये १० जना कास्कीकै रहेका थिए भने कास्कीबाहिर भक्तपुर पुगेर सम्मान गरेको यो पहिलो भएको सचिव इच्छाबहादुर वाग्लेले बताए ।