पोखरा । हिसान कास्कीद्वारा आयोजित कक्षा ११ र १२ एवं विश्वविद्यालय स्तरीय अंग्रेजी वक्तृत्वकला प्रतियोगितामा सम्पन्न भएको छ । पिसिएम कलेजमा भएको प्रतियोगितामा २२ शिक्षालयका शिक्षार्थीको सहभागिता थियो ।
प्रतियोगितामा कक्षा ११ र १२ को तर्फबाट मदरल्यान्ड माविकी छात्रा सुष्मा आचार्यले प्रथम स्थान हासिल गरिन् । डायमन्ड माविकी स्नेहा श्रेष्ठ द्वितीय, सिर्जना माविकी कृति पौड्याल तृतीय तथा ग्लोबल कलेजियटका अनुपम रिजाल सान्त्वना स्थान हासिल गर्न सफल भए ।
विश्वविद्यालय स्तरीय प्रतियोगितामा पिएमसी कलेजका छात्र तेन्जिम मेन्टोक प्रथम भए । लिंकन इन्टरनेसनल कलेजकी छात्रा अन्नु पुन द्वितीय, पोखरा मल्टिमोडलकी अस्मी तामाङ तृतीय तथा पोखरा इन्फोमेटिक्स कलेजका गौरव आचार्य चौथो भए ।
हिसान कास्कीका अध्यक्ष यमबहादुर रोक्काको अध्यक्षतामा भएको कार्यक्रममा उपाध्यक्ष दिवाकर जैसीले स्वागत गरेका थिए । सचिव ढाकाराम कँडेलद्वारा सञ्चालित कार्यक्रममा डा. नवराज पौड्याल, डा. रामजी शमा, पुरन कुँवर लगायतले बोलेका थिए ।