हेमजा । आइडिई नेपालको अनुदान सहयोग तथा ढिकुरपोखरी सामुदायिक विकास संघ (डिसिडिओ) को आयोजनामा समुदाय व्यवसाय सहजकर्ता तालिम भएको छ ।
कार्यक्रममा संस्थाको साना किसान परियोजनाका लागि वित्तीय सेवा परियोजनाका कार्यक्षेत्रअन्र्तगत माछापुच्छ्रे गाउँपालिका वडा ६, ७, ८ र ९, अन्नपूर्णको २ र ६, मादीका ४, ५, पोखरा २२, स्याङ्जाका समेत प्रतिनिधि सहभागी थिए ।
३ दिनसम्म चलेको तालिममा आइडिई नेपाल केन्द्रीय कार्यालयका अष्ट प्रजापति, क्षेत्रीय कार्यालय पोखराका बालकृष्ण थापामगर, उद्यम चौतारीका प्रोप्राइटर ऋषिराम पौडेल, सम्पूर्ण सामग्री भण्डारका प्रोप्राइटर भगवान पराजुली लगायतले सहजीकरण गरेका थिए ।
गाउँँमा छरिएका कृषकलाई व्यावसायिक तरकारी उत्पादनका लागि चाहिने कृषि सामग्री सहजकर्तामार्फत स्थानीयस्तरमा नै सुपथ मूल्यमा उपलब्ध गराउनु तालिमको उद्देश्य थियो । जसबाट कृषकको समयसँगै आर्थिक बचत हुने, उत्पादनमा लाग्ने सामान घरछेउमै प्राप्त हुने, यातायात खर्च नहुने विश्वास छ । संस्था अध्यक्ष हिममाया भण्डारीको अध्यक्षतामा भएको कार्यक्रमको सञ्चालन पुण्यप्रसाद भण्डारीले गरेका थिए ।