पोखरा । एमालेको दशौं महाधिवेसनअन्तर्गत मंगलबार सुरु भएको पालिका अधिवेशन कास्कीमा निकै रस्साकस्सी छ । नेताहरुबीच प्रतिस्पर्धा बढी भएकाले नेतृत्व छान्न निकै सकस देखिएको छ । मंगलबार रातिसम्म कुनै पनि पालिकामा सहमति जुटेन । पटक पटकको वार्ता असफल भएपछि पोखराको अधिवेशन एकदिन पछि धकेलिएको छ । पोखरामा ४ जनाले नेतृत्वमा आकांक्षा देखाएका छन् । आकांक्षी चारै जनासँग बैठक बस्दा उम्मेदवारी छोड्ने अवस्था नभएपछि अधिवेशन नै स्थगित गरिएको हो । मंगलबार मनोनयनको कार्यक्रम सुरु नहुँदै स्थगित भएको हो । बुधबार १० बजेबाट अधिवेशन प्रक्रिया सुरु हुने बताइएको छ ।
पोखरामा हालका अध्यक्ष दीपक पौडेल, नेताहरु तेजनारायण अधिकारी, दिलीप न्यौपाने र व्यवसायीसमेत रहेका सञ्जीवबहादुर कोइरालाले अध्यक्षमा दाबी गरेका छन् । आकांक्षीमध्ये पौडेल र अधिकारी पार्टीका केन्द्रीय सचिव पृथ्वीसुब्बा गुरुङ निकटका हुन् भने न्यौपाने नेता खगराज अधिकारी निकट मानिन्छन् । पोखरामा गुरुङ भर्सेज अधिकारीका उम्मेदवार देखिएका छन् ।
अन्नपूर्ण गाउँपालिकामा पनि ५ जनाले उम्मेदवारी दर्ता गराएका छन् । मनोनयन दर्तापछि वार्ता बसे पनि सर्वसम्मत नेतृत्व चयन हुन सकेको छैन । सबैले आफ्नै दाबी नछोडेपछि सहमति नजुटेको हो । यहाँ गाउँपालिका उपाध्यक्ष सगुन गुरुङ, वडाध्यक्ष चन्द्रबहादुर गुरुङ, गौरी सुवेदी, सोमनाथ पौडेल र विवेक देवकोटाले अध्यक्षमा मनोनयन दर्ता गराएका छन् । अन्य पदमा भने खासै प्रतिस्पर्धा छैन । सकेसम्म सहमतिमा नेतृत्व छान्ने र सम्भव नभए बुधबार मतदान हुने बताइएको छ ।
मादी गाउँपालिकामा अध्यक्षबाहेक सबै पदमा निर्विरोध चयन भएका छन् । उपाध्यक्ष एकजंग गुरुङ, सचिव सुवास सापकोटा, सहसचिव राजु अधिकारी र प्रतीक्षा पौडेललाई चयन गरिएको हो । ७५ सदस्यीय कमिटीमा अहिले ४० जना निर्वाचित भएका छन् । अध्यक्षमा हालका अध्यक्ष बालकृष्ण गुरुङ, वडा नम्बर ७ का अध्यक्ष पसबहादुर बास्तोला र हरिबोल गौतमको दाबी छ । समाचार तयार पार्दाको समयसम्म गुरुङलाई दोहोर्याउने बुझिएको छ । तथापि नेताहरुबीच छलफल भइरहेको छ ।
माछापुच्छ्रे गाउँपालिकामा ४ जनाले अध्यक्षमा दाबेदारी पेस गरेका छन् । वडा नम्बर २ का अध्यक्ष विक्रम गुरुङसहित पानबहादुर क्षेत्री, महेश्वर दवाडी र यदुराम अधिकारीले मनोनयन दर्ता गराएका हुन् । तर यहाँ पनि सर्वसम्मत प्रयास गरिएको छ । अन्य पद भने सर्वसम्मत हुने बुझिएको छ । अध्यक्षको टुंगो लागेपछि मात्रै अन्य पदमा छलफल हुने नेताहरुले बताएका छन् ।
रुपा गाउँपालिकाको अध्यक्षमा सहबक्स मियाँलाई नै अघि सारिएको छ । तर पछिल्लो समय अरुले पनि दाबी गरेपछि अधिवेशन केही अन्योल भएको छ । वडा नम्बर ५ का वडा सदस्य दामोदर घिमिरेले पनि अध्यक्षमा दाबी गरेका छन् ।
Related News
सम्बन्धित समाचार
लुम्बिनीकाे मुख्यमन्त्री सपथमा एमाले संसदीय दलका नेता नै अनुपस्थित
बागमतीको मुख्यमन्त्रीमा लामा नियुक्त
लुम्बिनीको मुख्यमन्त्रीमा चेतनारायण
सञ्चारमाध्यममा ३३ प्रतिशत पत्रकार महिलाको सहभागितामा जोड
ओलीलाई संसदमा दुईतिहाइको विश्वास
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१