पोखरा । नेकपा (एमाले) को मंगलबार हुने पालिका अधिवेशनअन्तर्गत पोखरा महानगरपालिकामा २ जना बलियो दाबेदार देखिएका छन् । हालका अध्यक्ष दीपक पौडेलले दोहो¥याउने चर्चा छ भने जिल्ला कमिटी सदस्य समेत रहेका पुराना नेता तेजनारायण अधिकारीले पनि दाबी गरेका छन् । अर्का नेता दिलीप न्यौपानेको समेत चर्चा छ । अधिकारी महानगरको अध्यक्ष बन्नकै लागि ७ नम्बर वडाबाट महानगर प्रतिनिधि बनेर आएका छन् । पौडेल महानगरको निर्वाचन आयोजक कमिटीको संयोजक हुन् । न्यौपाने जिल्लामा खगराज अधिकारीनिकट मानिन्छन् भने पौडेल र अधिकारी पृथ्वीसुब्बा गुरुङनिकट छन् । अन्य पदमा अहिलेसम्म कसैको नाम सार्वजनिक भएको छैन ।
अन्नपूर्ण गाउँपालिकामा पालिका उपाध्यक्षदेखि वडाध्यक्षसम्म दावेदार छन् । उपाध्यक्ष सगुन गुरुङ, वडा नम्बर ३ का अध्यक्ष चन्द्रबहादुर गुरुङ, सुरेन्द्र गुरुङ, सोम पौडेल, विवेक देवकोटा, गौरी सुवेदी लगायत आकांक्षी छन् । स्रोतका अनुसार हालका क्षेत्रीय अध्यक्ष विष्णु केसीले पनि पालिका अध्यक्षमा दाबी गरेका छन् । ‘निर्वाचन नगर्नू भन्ने माथिकै निर्देशन छ । सर्वसम्मतभन्दा धेरै नेताहरुको आकांक्षा मात्रै हुन्छ,’ एक आकांक्षीले भने, ‘सर्वसम्मतभन्दा प्रतिस्पर्धा गरे राम्रो हुने हो । केन्द्रको निर्देशन भनेर पछाडि पार्ने काम भएको छ ।’
मादीमा हालकै अध्यक्ष बालकृष्ण गुरुङ दोहो¥याउने सम्भावना अधिक छ । तर वडाध्यक्ष पसबहादुर बास्तोला र अर्का नेता हरिवोल गौतमले पनि दाबी गरेका छन् । यी ३ मध्ये १ जनालाई सर्वसम्मत नेतृत्वमा चयन गर्ने बताइएको छ । ‘सर्वसम्मतरुपमै नेतृत्व छानौं भनेर लागेका छौं । नभए प्रतिस्पर्धामा जान्छ,’ पालिका अध्यक्ष तथा एमाले गण्डकी प्रदेश कमिटी सदस्य वेदबहादुर गुरुङ (श्याम) ले भने, ‘सहमति हुन्छ होला । धेरै आकांक्षी हुनुहुन्न ।’
रुपामा पुरानै अध्यक्ष दोहोरिने देखिएको छ । हाल सहबक्स मियाँ अध्यक्षको रुपमा कार्यरत छन् । प्रदेशभरमै मुस्लिम समुदायबाट अध्यक्ष बन्ने अवस्था नरहेकोले मियाँलाई सबैले समर्थन गरेका छन् । उनी दोहोरिए सचिव पनि टेकबहादुर गुरुङ नै रहने देखिएको छ । मियाँले स्वःस्फूर्तरुपमा छोडे उनको ठाउँमा अरु आउने छन् । ‘उहाँले नै दोहोरिन्नँ भन्नुभयो भने छुट्टै कुरा नत्र उहाँ सर्वसम्मत हुनुहुन्छ,’ एक नेताले भने, ‘आकांक्षा अरु साथीहरुको पनि छ । तर अहिलेको अध्यक्ष हटाउनुपर्ने पक्षमा खासै कोही हुनुहुन्न ।’ वडा नम्बर ५ का वडा सदस्य दामोदर घिमिरेले पनि अध्यक्षमा दाबी गरेका छन् । उनी पार्टी फुटेको बेला नेकपा (एकीकृत समाजवादी) मा गएर एमालेमै फर्किएका हुन् । अन्य पदाधिकारी र सदस्यहरु भने युवाहरु आउने बताइएको छ ।
माछापुच्छ«ेमा अहिलेका अध्यक्ष नदोहोरिने बताइएको छ । हाल जगन्नाथ बास्तोला अध्यक्ष र पालिका अध्यक्ष कर्णबहादुर गुरुङ सचिव हुन् । दुवै जनाले नदोहो¥याउने बताएका छन् । त्यसो हुँदा वडा नम्बर २ का अध्यक्ष विक्रम गुरुङ र पुराना नेता महेश्वर दवाडी प्रतिस्पर्धी हुने देखिएको छ । विक्रमले ९ नम्बर वडाका अध्यक्ष दुर्गाबहादुर क्षेत्रीलाई आफ्नो प्यानलबाट सचिव बनाएका छन् भने दवाडीले कमल भुजेल सचिव छानेका छन् । ‘नेतृत्व हस्तान्तरण गरेर जाने कुरा हो । सधैं एउटै व्यक्ति हुँदा पार्टी राम्रो हुँदैन,’ पालिका अध्यक्ष तथा पार्टी सचिव गुरुङले भने, ‘म दोहोरिन्नँ । नेतृत्वमा पनि दाबी छैन । अरु साथीहरु हुनुहुन्छ । नयाँलाई अवसर दिनुपर्छ ।’
आकांक्षी २ मध्ये १ जनालाई पार्टी अध्यक्ष र अर्कोलाई पालिका अध्यक्षको टिकट दिने सहमतिमा सर्वसम्मतको प्रयास भइरहेको बताइएको छ । अध्यक्ष र सचिवमा प्रतिस्पर्धा धेरै देखिए पनि अन्य पदमा भने सर्वसम्मत चयन हुने सम्भावना छ । क्षेत्रदेखि जिल्ला हुँदै प्रदेशसम्म कमिटी भएकाले सबैलाई पद पुग्छ । आगामी निर्वाचनमा मनमुटाव नहोस् भनेर सर्वसम्मत प्रयास गरिएको बुझिएको छ । कांग्रेसले पनि केही पालिकामा सर्वसम्मत गरेको थियो भने केहीमा निर्वाचन भएको थियो ।
गत शनिबार वडा अधिवेशन गरेको नेकपा (एमाले) पालिका अधिवेशनपछि आगामी मंसिरमा राष्ट्रिय महाधिवेशनमा होमिदै छ । मंसिर १० देखि १३ सम्म एमालेको १० औं राष्ट्रिय महाधिवेशन चितवनमा हुने भएको छ ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१