पोखरा । सुनगामा बचत तथा ऋण सहकारी संस्था लिमिटेड पोखरा–१८ सेदीभिलेजको सञ्चालक समितिको अध्यक्षमा कृष्णबहादुर थापा निर्विरोध चयन भएका छन् । सहकारीको शनिबार भएको पाँचौ अधिवेशन तथा १२ औं वार्षिक साधारणसभाले थापाको अध्यक्षतामा ९ सदस्यीय सञ्चालक समिति र लेखा समिति चयन गरेको हो । थापा तेस्रो कार्यकालका लागि अध्यक्ष चुनिएका हुन् ।
यस्तै, सञ्चालक समितिको उपाध्यक्ष पार्वती कोइराला, सचिव कृष्ण थापा र कोषाध्यक्ष राजु थापा रहेका छन् । सदस्यहरु रमेश थापा (सुमन), सुरेन्द्र थापा, निर्मल गौतम, रमेशबहादुर थापा र देवकी पहारी छन् ।
लेखा समिति संयोजक रामबहादुर थापा र सदस्यहरु मीना थपलिया र भगवान् पहारी चयन भए भने पत्रकार गणेश पहारी संयोजक तथा सूर्यबहादुर थापा र पवित्रा बास्तोला सदस्य रहेको निर्वाचन समितिले निर्वाचित पदाधिकारीलाई सपथ गराएको थियो ।
साधारणसभामा पोखरा १८ का अध्यक्ष रणबहादुर थापाले सहकारीले आफ्ना सदस्यहरुलाई आर्थिक रुपमा सक्षम बनाउनुपर्ने बताउँदै सहकारीले उत्पादनमूलक क्षेत्रमा लगानीपर्नेमा जोड दिए ।
कार्यक्रमा बंगलादी बचत तथा ऋण सहकारीका अध्यक्ष विष्णुमाया सुवेदी, संस्थाका सदस्य एवं पत्रकार गणेश पहारी, गन्तव्य अन्नपूर्ण बचत तथा ऋण सहकारी संस्थाका अध्यक्ष दीपेन्द्र तिमिल्सिना लगायतले शुभकामना व्यक्त गरे ।
संस्थाका अध्यक्ष कृष्णबहादुर थापाको अध्यक्षतामा भएको कार्यक्रममा स्वागत उपाध्यक्ष पार्वती कोइराला र सञ्चालन सचिव कृष्ण थापाले गरेका थिए । विसं २०६६ मा स्थापना भएको संस्थाको सेयर पुँजी १ करोड ८७ लाख २० हजार छ भने लगानी ३ करोड ९४ लाख २९ हजार ७ सय ४५ छ । संस्थाको वार्षिक कारोबार ५ करोड ५० लाख छ । संस्थामा ३७१ सेयर सदस्य छन् ।