पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् ।

उनीहरुले आमा शेषकुमारी बास्तोलाको प्रथम वार्षिक पुण्यतिथिमा शिवशक्ति माविमा १ लाख १ हजार १ सय ११ रुपैयाँको अक्षयकोष स्थापना गरेका हुन् ।

सो बराबरको रकम बास्तोला परिवारले आइतबार विद्यालयका प्रअ शम्भुराज बास्तोला र व्यवस्थापन समिति अध्यक्ष दामोदर बास्तोलालाई हस्तान्तरण गरेका हुन् । अक्षयकोष रकमको व्याजबाट जेहेनदार विद्यार्थीलाई वार्षिक रुपमा छात्रवृत्तिको रुपमा प्रदान गरिने जनाइएको छ ।