पोखरा । शुभकामना बचत तथा ऋण सहकारी संस्था, सिर्जनाचोकले स्थापना दिवस तथा १२ औं वार्षिक साधारणसभा भएको छ । सभाको उद्घाटन गर्दै संस्थाका पूर्व अध्यक्ष एवं सल्लाहकार दलबहादुर जिसीले कोरोनाका कारण मुलुकको आर्थिक क्षेत्र प्रभावित हुँदा सहकारीहरुसमेत अछुतो रहन नसकेको बताए । उनले संस्थाले सहकारीका सदस्यको हकहितका लागि कार्यक्रम ल्याउनुपर्नेमा जोड दिए ।

अर्का सल्लाहकार रमेश पौडेलले संस्थालाई अगाडि बढाउन सहकारीका सदस्यको राय सल्लाह र सुझाव लिएर काम गर्नुपर्ने बताए । उनले आर्थिक अनुशानसनले संस्थामात्र हैन, मुलुक नै अगाडि बढ्ने कुरामा जोड दिए ।

संस्थाका अध्यक्ष गोकर्ण बडुवालको अध्यक्षतामा भएको कार्यक्रममा सल्लाहकार महेश पराजुली, उपाध्यक्ष प्रेमशंकर बडुवाल, सचिव लोकबहादुर भण्डारी, सहसचिव गोपाल घिमिरे, कोषाध्यक्ष ठाकुरप्रसाद सापकोटा, ऋण समिति संयोजक इन्द्र कार्की, सूर्य पुन, लेखा समिति संयोजक रामचन्द्र आचार्य, लेखासमितिका टेकराज तिमिल्सिना, सदस्य रामचन्द्र आचार्य लगायतले संस्थाको गतिविधिबारे बोलेका थिए । संस्थामा ५ सय ५३ सदस्य छन् । संस्थाको शेयर पुँजी ४ करोड ३५ लाख र लगानी १२ करोड छ ।