पोखरा । सेलवेज डिपार्टमेन्टल स्टोरले पोखरा शान्तिनगरचोकमा २९ औं शाखा बिस्तार गरेको छ । बराल पेट्रोल पम्पसँगै रहेको व्यापारिक भवनबाट औपचारिक सेवा शुभारम्भ गरेको सेलवेज डिपार्टमेन्टल स्टोर र सेल्सबेरी डिपार्टमेन्टल स्टोर प्रालिका गण्डकी प्रदेश प्रमुख दयाल गिरीले जानकारी दिए । ‘शान्तिगर शाखा पोखराका लागि छैटौं तथा समग्रमा २९ औं शाखा हो,’ उनले भने, ‘यसको लागत करिब ८ करोड रुपैयाँ रहेको छ । यस नयाँ शाखामा खाद्य सामग्रीका सम्पूर्ण सामान बिक्रीमा रहनेछन् । स्थानीय उपभोक्ताका लागि तथा लेकसाइडका होटल तथा रेष्टुरेन्टका लागि आवश्यक पर्ने सबै सामग्री यो शाखामा पाइने उनले बताए ।
उनका अनुसार स्टोरको भुइँतलामा खाद्य सामग्री र सौन्दर्यका सामग्री राखिएको छ । पहिलो तलामा इलेक्ट्रोनिक सामग्री र दोस्रो तलामा आधुनिक फर्निचरका सामग्री राखिएको छ । शाखा शुभारम्भ अवसरमा १० प्रतिशतसम्म छुट व्यवस्था गरिएको छ भने फ्रि होम डेलिभरीको व्यवस्था समेत गरिएको छ ।
सेलवेजले सन् १९९३ देखि चिप्लेढुंगाबाट सामान्य खाद्य पसलबाट सेवा आरम्भ गरेको थियो । सेलवेजले देशका विभिन्न ठाउँबाट सेवा दिंदै आएको छ । निकट भविष्यमै पोखरा र लेखनाथका केही स्थानमा आउटलेट बिस्तार गर्ने योजना रहेको कम्पनीले जनाएको छ ।
विशेषतः सेलवेज डिपार्टमेन्टल स्टोरले पोखरा र काठमाडौंका विभिन्न स्थानका शाखाबाट सेवा दिंदै आएको छ । सेलवेज र सेल्सबेरीसहित शान्तिनगर शाखा पनि आमग्राहकको रोजाइमा पर्ने गिरिले बताए । पोखरामा हाल चिप्लेढुंगा, लेकसाइड, बिरौटा, भद्रकाली र बगरमा शाखा छन् ।
काठमाडौंमा सातदोबाटो, सीतापाइला, महाराजगञ्ज, चक्रपथ, झम्सिखेल, बत्तिसपुतली, इमाडोल, कोटेश्वर, लोकन्थली, नयाँबस्ती, पेप्सिकोला, मुलपानी, मैजुवहाल, ककनी, सुकेधारा, हात्तिगौंडा, धापासी, पुरानो बानेश्वर, मध्येबानेश्वर, बनेपा, बालुवाटार, भक्तपुर र भैंसेपाटीमा शाखा सञ्चालनमा छन् । पोखराको सेलवेज काठमाडौं सन् २००४ मा प्रवेश गरेको हो । २०१४ बाट सेल्सबेरीको नामबाट पनि शाखाहरू सञ्चालनमा आएका थिए । यी २ कम्पनी सिस्टर कम्पनीका रुपमा सञ्चालनमा रहेको कम्पनीले जनाएको छ ।
कम्पनीले नयाँ वर्ष २०७९ सालबाट काठमाडौंको महाराजगञ्जमा अन्तर्राष्ट्रियस्तरको सुविधा सम्पन्न मल सञ्चालनमा ल्याउने तयारी गरिरहेको छ । यता, लेखनाथमा नयाँ शाखा बिस्तारको तयारी पनि गरिएको प्रमुख व्यवस्थापक दयाल गिरिले जानकारी दिए ।
Related News
सम्बन्धित समाचार
कर्जा विस्तार हुनेगरी मौद्रिक नीति ल्यायौंः गभर्नर अधिकारी
आज मौद्रिक नीति सार्वजनिक हुँदै
गण्डकीको खर्च ६६ प्रतिशत, एकै दिन २ अर्ब निकासा
विदेशी मुद्रा सञ्चिति बढ्यो
पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक
hero news full width
मुख्य समाचार
रेवान पोखरामा विश्वराज
गायक तथा गीतकार एलपी जोशी रहेनन्
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१