सामुदायिकमा शुभकामना आदानप्रदान

आदर्श समाज सम्वाददाता
असाेज २१, २०७८
comunitiy

पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२ को आयोजनामा समुदाय प्रहरी साझेदारी कार्यक्रमअन्तर्गत दसैं, तिहार र छठको अवसरमा शुभकामना आदानप्रदान कार्यक्रम भएको छ । कार्यक्रममअन्तर्गत शुभकामना आदान प्रदान तथा पोखरा १४ मा रहेको मनकामना मन्दिर सरफाई गरिएको पोखरा १४ का अध्यक्ष प्रेमबहादुर कार्कीले जानकारी दिए ।
सामुदायिक सेवा केन्द्र एवं सामुदायिक प्रहरी सेवा पोखरा १२ माटेपानीका अध्यक्ष बलबहादुर कार्कीको अध्यक्षयतामा भएको कार्यक्रमको पोखरा १४ का अध्यक्ष प्रेमबहादुर कार्र्कीले चाडपर्वको शुभकामना दिँदै विकृति विसंगति अन्त्य गर्न सबैले आआफ्नो ठाउँबाट सकारात्मक प्रयास गर्नुपर्नेमा जोड दिए ।
कार्यक्रममा सामुदायिक सेवा एवं सामुदायिक प्रहरी सेवा जिल्ला समन्य समिति कास्की अध्यक्ष बोधराज कार्की, सामुदायिक सेवा केन्द्र एवं सामुदायिक प्रहरी सेवा माटेपानीका संस्थापक अध्यक्ष मायादेवी तझ्या, सल्लाहकार विश्वलाल श्रेष्ठ, मनोहर युवा क्लबका अध्यक्ष रामजी जिसी, समाजसुधार आमा समूहका अध्यक्ष लक्ष्मी जिसी, समाजसेवी इन्द्रमाया बानिया लगायतले बोलेका थिए ।
कार्यक्रममा उपाध्यक्ष मीरादेवी आचार्यले स्वागत तथा कार्यक्रम संयोजक सविना अधिकारी क्षेत्रीले धन्यवाद ज्ञापन गरे । कार्यक्रम सञ्चालन सचिव इन्किदरा पन्तले गरेकी थिइन् ।

Related News

सम्बन्धित समाचार

hero news full width