पोखरा । पोखराबाट म्याग्दी जान हिडेका माया सार्कीको जोडी एकाएक आगोको मुस्लोभित्र घेरियो । यता जाऔं कि उता जाऔं विचल्ली भयो । आँखै अगाडि काखको छोरा जलेर खरानी भयो । हारगुहार गरे । अनकन्टार जंगलमा कसले गुहार सुन्ने ? उनीहरु भने ज्यान जोगाउन रुख चढे ।
यो कहालीलाग्दो घटना हो, आजभन्दा १३ वर्षअघिको । तपाईंलाई पनि हेक्का भयो या भएन ? म्याग्दीको बाबियाचौरको लामेलाको भिरमा लागेको आगोमा परेका एक दम्पतीको कथा ।
म्याग्दी बाबियाचौर डढुवा घर भई मजदुरीका लागि पोखरामा विपलाल सार्की र उनकी श्रीमती माया सार्की बस्दै आएका थिए । त्यसबेला विपलाल र माया २७ वर्षका लक्का जवान थिए । २ वर्ष अघिमात्र बिहे गरेका उनीहरुको साथमा पहिलो सन्तान छोरा थियो । छोरा बल्ल १ वर्षको पुगेको थियो ।
२०६५ साल फागुन महिना हो । त्यसबेला माया र विपलाल माइती/ससुराली जान भनी पोखराबाट हिडेका थिए । उनीहरुको साथमा उनै काखेबालक थिए ।
माइतीघर आइपुग्नु अघि डढुवाको लामेलाको भिर छिचोल्नु पथ्र्योे । माया त्यो दिन सम्झिन्छन्, ‘कसले जंगलमा आगो लगाइदिएका रहेछन् । भिरमा पनि लागेको थियो । त्यो छिचोल्दै अघि बढ्दा फेरि तलबाट लागेको आगोमा परियो । हामीहरु रुख चढेर ज्यान त जोगायौं । तर छोरो बचाउन सकिएन । आगोको मुस्लोमा परे ।’
माया बेहोस् बनिन् । उनको खुट्टा लगायत तल्लो भाग पूरै जलेको रहेछ । विपलाल सामान्य घाइते थिए । मायालाई हेली उद्धारमार्फत उपचारार्थ पोखरा हुँदै भरतपुर लगियो । केही साताको उपचारपछि उनी हिडडुल गर्न सक्ने त भइन् तर मजदुरी गरेर जीवन गुजारा चलाउने सार्की दम्पतीको अब अरुको भरमा बाँच्नुपर्ने अवस्था आइपर्यो । माया त्यसपछि अशक्त बनिन् । काम गर्न सक्दिनन् । जसोतसो परिवार धान्दै आएका विपलाल पनि अचेल पायल्सको बिरामी छन् । पहिलो छोरा गुमाएको कमजोर आर्थिक हैशियतको यो जोडीले त्यसपछि फेरि ३ छोरा र १ छोरीलाई यो धर्तीमा जन्म दियो ।
बावुआमा अशक्त बनेपछि सार्की दम्पती अचेल ३ छोरा साथमा लिएर पोखराका विभिन्न ठाउँमा माग्दै हिडेको देखिन्छ । तपाईंले पनि सायद बेलाबखत देख्नु हुन्छ होला । गत साता पोखरा लेकसाइडमा ३ छोरा अगाडि राखेर सहयोगको याचना गरेको अवस्थामा देखिइन्, माया ।
विश्वभर महामारीको रुपमा आएको कोरोनाले आर्थिक रुपमा विपन्न वर्गको यो परिवारलाई झनै सास्ती भयो । मायाका पति विपलाल भन्छन्, ‘श्रीमती काम गर्न सक्दिनन् । म पनि पायल्सको बिरामी छु । गाह्रोसाह्रो काम गर्न ज्यानले दिँदैन । छोराछोरी थपिए । कोरोनाले हामीलाई झनै समस्या भयो हजुर ।’
उनीहरु हाल ढुंगेसाँघु नजिकै पोखरा–१७, प्रगतिटोल बस्छन् । दोस्रो सन्तानको रुपमा उनीहरुले छोरी जन्माएका हुन् । छोरी ११ वर्षकी भइसकिन् । कान्छो छोरा (३ वर्ष) स्कूल भर्ना भइसकेका छैनन् । त्यसमाथिका ९ वर्षीय र ७ वर्षीय छोराहरु क्रमशः ४ र २ कक्षा पढ्छन् । उनीहरु सबै जानकी स्कुलमा पढ्छन् । गरिबीमा पनि सन्तोष रहेको आफ्नो सुन्दर फूलबारीमा आगो लगाउने को होलान् ? उनीहरुलाई अझै पनि जान्ने मन छ । छोराछोरी कसरी हुर्काउने र पढाउने भन्नेमै विपलाल र मायाको पिरलो रहेछ । कोही कसैले सहयोग गर्न चाहे ९८४६८१२४०२ (विपलाल) लाई फोन गर्न सक्नुहुनेछ ।
Related News
सम्बन्धित समाचार
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
फेवाको मापदण्ड घटाउन सर्वोच्चमा रिट
hero news full width
मुख्य समाचार
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१