लेखनाथ । लेखनाथ उद्योग वाणिज्य संघ नेपाल उद्योग वाणिज्य महासंघको ५५ औं वार्षिक साधारण सभामा गण्डकी प्रदेश अन्तर्गतको ‘क’ वर्गको उद्योग वाणिज्य संघका रुपमा सम्मानित भएको छ ।

महासंघको काठमाडौंमा शनिबार भएको वार्षिक साधारण सभा तथा उद्योग वाणिज्य दिवसका अवसरमा प्रधानमन्त्री खड्कप्रसाद ओलीले लेखनाथ उद्योग वाणिज्य संघका अध्यक्ष बलराम ढकाललाई ‘क’ वर्गको उत्कृष्टताको प्रमाणपत्र प्रदान गरी सम्मान गरेका हुन् ।

२०५४ सालमा स्थापना भएको लेउवा संघ २०५८ सालमा घ वर्गको उत्कृष्ट भएको थियो । संघ २०५९ देखि २०६१ सम्म ग वर्गको उत्कृष्ट बन्यो भने २०६४ सालमा क वर्गको उद्योग बाणिज्य संघको स्थानमा रहेको थियो । संघले २०७५ सालमा पनि संघले नेपाल उद्योग वाणिज्य महासंघबाट नेपाल भरिका क वर्गका उद्योग वाणिज्य संघमध्ये प्रथम स्थान हासिल गरेको थियो ।

लेखनाथ उद्योग वाणिज्य संघले नेपाल उद्योग वाणिज्य महासंघ गण्डकी प्रदेशको चौथौ प्रदेश सभा तथा दोस्रो अधिवेशनबाट पनि गण्डकी प्रदेशबाट उत्कृष्ट संघबाट पुरस्कृत भई सम्मान पत्र र नगद पुरस्कार प्राप्त गर्न सफल भएको हो ।