सिर्जनशील अपाङ्ग समाजमा पौडेल

श्रीभद्र पौडेल
असाेज ११, २०७७
phandraprasad poudel

हेमजा, ११ असोज । पोखरा–३, कोपिलढुङगास्थित सिर्जनशील अपाङ्ग समाजको शनिवार सम्पन्न २१ औं साधारणसभा तथा ८ औं अधिवेशनले फणिन्द्रप्रसाद पौडेलको अध्यक्षतामा सर्वसम्मत नयाँ कार्यसमिति चयन गरेको छ ।

समितिको वरिष्ठ उपाध्यक्षमा शंकरप्रसाद बास्तोला, उपाध्यक्षमा चन्द्रमाया बास्तोला, महासचिवमा नवराज अधिकारी, सचिवमा रोमा पौडेल बानियाँ तथा कोषाध्यक्षमा पार्वती वाग्ले मल्ल चयन भए । त्यस्तै चुडामणि तिवारी, लोकनाथ भट्टराई, तारा बास्तोला, हर्कबहादुर खत्री र सविता पौडेल सदस्यमा छनोट भए । दुई सदस्य पछि मनोनित गरिने जनाइएको छ ।

कार्यक्रममा भनाई राख्दै प्रमुख अतिथि वडा सदस्य लक्ष्मी पराजुलीले समाजलाई सक्दो सहयोग गर्न स्थानीय सरकार तयार रहेको स्पष्ट पार्दै अव बन्ने भौतिक संरचनालाई पनि अपाङमैत्री बनाउन पहल गर्ने बताइन् । समाजका संस्थापक अध्यक्ष एवम् संरक्षक जगन्नाथ सुवेदीले संस्थागत हितका लागि सर्वसम्मत नेतृत्व चयन गर्नुपर्ने उल्लेख गरे ।

सो अवसरमा महासचिव नवराज अधिकारीद्वारा प्रस्तुत वार्षिक प्रगति प्रतिवेदन तथा कोषाध्यक्ष रोमा पौडेल बानियाँले प्रस्तुत गरेको वार्षिक आय–व्यय विवरण सर्वसम्मत पारित भएको थियो । कार्यक्रम समाजका अध्यक्ष विष्णु सिग्देलको अध्यक्षतामा सम्पन्न भएको थियो ।

यता अधिवेशनपछि समाजले कास्की र तनहुँका कुल ७० अति विपन्न अपाङलाई राहात वितरण गरेको छ । बालहितकारी परियोजनाका अध्यक्ष गोविन्दराज पहारीको प्रमुख आतिथ्यतामा सम्पन्न उक्त कार्यक्रमका बीच चामल, दाल, तेल, सावुन, चाउचाउ, चना, मसला, वेसार लगायत गरी जनही रु. ३ हजार बराबरका खाध्यान्न सामग्री राहात स्वरुप वितरण गरिएको हो । त्यस्तै तीन जना अपाङ्गलाई ह्वील चियर तथा अन्य अपाङ्गलाई सहायक सामग्री पनि प्रदान गरिएको छ ।

नवगठित समाजका अध्यक्ष पौडेलको अध्यक्षतामा सम्पन्न राहात वितरण कार्यक्रम महासचिव नवराज अधिकारीले संचालन गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width