पोखरा, ११ असोज । गण्डकी प्रदेशमा हाल कोरोनाका १ हजार ७७ जना सक्रिय संक्रमित छन् ।

प्रदेश स्वास्थ्य निर्देशनालयका अनुसार पोखरामा सक्रिय संक्रमितको संख्या पछिल्लो समय १ हजार ७७ पुगेको हो । उनीहरु सबै आइसोलेसनमा छन् ।

प्रदेशमा कुल संक्रमित संख्या ३६७३ पुगेको छ । शनिबारमात्रै ४१ जना संक्रमित थप भएका हुन् । हालसम्म ६७ हजार १ सय ८४ जनाको नमुना संकलन भएकोमा ६३ हजार ५ सय ११ लाई कुनै पनि संक्रमण देखिएन ।

प्रदेशमा हालसम्म २ हजार ५ सय ६३ जना अर्थात् (६९ दशमलब ७७ प्रतिशत) निको भएका छन् । कोरोना संक्रमितमध्ये ३३ जनाको मृत्यु भएको छ । तीमध्ये सबैभन्दा बढी कास्की जिल्लाका ११ जना छन् । त्यस्तै गोरखा ६, नवलपरासी (बर्दघाट सुस्ता पूर्व) ६, तनहुँ ५, स्याङ्जा ३, बागलुङ र म्याग्दी १–१ जना छन् ।

आइसीयूमा मात्र ६ जनाको उपचार भइरहेको छ । भेन्टिलेटरमा कोही पनि छैनन्

होम आइसोलेसनमा ३ सय ७३ जना छन् । तीमध्ये कास्कीका २ सय ६४, नवलपरासी ६४, तनहुँ २३, गोरखा २१ र बागलुङका १ जना छन् । पोखरा स्वास्थ्य विज्ञान प्रतिष्ठानको आइसीयूमा मात्र ६ जनाको उपचार भइरहेको छ । भेन्टिलेटरमा कोही पनि छैनन् ।

प्रदेशमा ७१ जना स्वास्थ्यकर्मीमा संक्रमण देखिएकोमा ३८ सक्रिय केस हुन् । गण्डकीमा क्वारेन्टाइनमा हाल ५ सय ९ जना बसेको स्वास्थ्य निर्देशनालय गण्डकीका निर्देशक डा.विनोदबिन्दु शर्माले जानकारी दिए ।