पोखरा । बुद्ध विशाल बजार व्यापारिक एशोसिएसनले स्वेच्छिक अवकास लिएका कर्मचारीलाई बिदाइ गरेको छ ।

एशोसिएसनले विशाल बजारको सम्पूर्ण सरसफाइको जिम्मा निजी कम्पनी इजी फ्यासिलिटीलाई दिएको हो । त्यहाँ कार्यरत् सरसफाइ कर्मचारीहरूले स्वेच्छिक अवकास लिएका हुन् ।

एशोसिएसन अध्यक्ष केशवबहादुर खत्रीले कर्मचारीको योगदानलाई आफूहरूले कहिले पनि नभुल्ने बताए । समय परिस्थिति अनुसार बाध्यतावश सरसफाइका सम्पूर्ण काम निजी क्षेत्रलाई दिनुपर्ने अवस्था आइपरेको हँुदा आफूहरूले नचाहँदा–नचाहँदै अवकाश दिनुपरेको भन्दै दुःख लागेको बताए ।

उनले अबदेखि शनिवार पनि विशाल बजार खुला हुने बताउँदै ग्राहकलाई १० देखि २५ प्रतिशतसम्म छुटको व्यवस्था गरिएको जानकारी दिए ।

स्वेच्छिक अवकास लिएका कर्मचारी भीमा क्षत्री, शान्ति भुजेल, माया मगरलाई दोसल्ला र नगदसहित बिदाइ गरिएको हो ।

कार्यक्रममा स्वागत मन्तव्य सचिव बुद्विबहादुर कुँवर, धन्यवाद ज्ञापन नि. अध्यक्ष प्रदीपकुमार मुल्मी र महासचिव इन्द्रराज अर्यालले गरेका थिए ।