पोखरा । पोखराको नमुना वडारुपमा परिचित वडा–१३ ले फेरि नयाँ अभ्यास सुरुवात गरेको छ । वडाको आर्वास्थित विभिन्न ७ वटा टोल विकास संस्थाले सामूहिक प्रतिबद्धता गर्दै मोहोरमुक्त आर्वा बनाउने घोषणा गरे ।
वडाध्यक्ष दर्शन लामाको प्रमुख आतिथ्यमा शनिबार आर्वामा भएको कार्यक्रममा अबदेखि टोलभित्र कहीँ कतै जथाभावी फोहोर फालिएको पाइए कारबाही गरिने भएको छ ।
‘फोहोरबाट मोहोर कमाउने’ योजनाअन्तर्गत फोहोर व्यवस्थापन गरी वडा कार्यालयले सो अभियान ल्याएको वडाध्यक्ष लामाले बताए । उनले पोखरा महानगरपालिकालाई फोहोरमुक्त बनाउन फोहोर वर्गीकरण गरी घरबाटै अभियान थाल्न आह्वान गरे । फोहोरबाट मोहोर कमाउन सकिन्छ भन्दै उनले फोहोर वर्गीकरण गरेर बिक्री गर्न सकिने अवधारणा पेस गरेका थिए । कुहिने फोहोरबाट कम्पोष्ट मल बनाउन सकिने र प्लाष्टिकजन्य फोहोरबाट नगद कमाउन सकिनेबारे जानकारी दिए ।
फोहोर व्यवस्थापनका जानकार छवि गौडेलले सहभागीलाई फोहोरमैला व्यवस्थापनसम्बन्धी प्रशिक्षण दिए । फोहोर व्यवस्थापन तथा सरसफाइ स्तरोन्नतिकरणबाट आर्थिक विकास विषयमा उनले प्रशिक्षण दिएका हुन् ।
यस्तै, कृषि विषयमा विद्यार्थी रोशन बरालले फोहोरबाट प्राङ्गारीक मल बनाउने प्रक्रियाबारे जानकारी दिए ।
कार्यक्रममा आर्वाका श्री मोहरपानी आदर्श, लक्ष्मीनारायण, अर्धनारेश्वर, नवदुर्गा, गाईपानी उपल्ला गाउँ, थापाको चौतारा र अमलाचौर चापडाँडा टोल विकास संस्थाका प्रतिनिधिको सहभागिता थियो ।
टोल विकास समितितर्फबाट ज्येष्ठ सदस्य टीकाराम बरालले अध्यक्षता र कार्यक्रम संचालन श्री मोहरपानी आदर्श टोल विकासका अध्यक्ष श्रीराम सिग्देलले गरेका थिए ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१