दुई महिनादेखि कृषि विश्वविद्यालयमा तालाबन्दी

रासस
असाेज २, २०७७
krishi university

चितवन, २ असाेज । अधिकांश समय निमित्त पदाधिकारीको भरमा रहेको यहाँको कृषि तथा वन विज्ञान विश्वविद्यालयको केन्द्रीय कार्यालयमा तालाबन्दी भएको दुई महिना पुग्नै लाग्दासम्म खुल्न सकेको छैन । पदाधिकारीको अभावमा विश्वविद्यालय अस्तव्यस्त बन्दै गएको छ ।

विश्वविद्यालयको नेपाल राष्ट्रिय कर्मचारी सङ्गठनको नेतृत्वमा अस्थायी र करार कर्मचारीहरु सहितले विश्वविद्यालयमा साउन १२ गते तालाबन्दी गरेका हुन् । उनीहरुले केन्द्रीय कार्यालयसँगै कृषि र भेटेरिनरी सङ्कायमा पनि तालाबन्दी गरेका छन् । सङ्गठनका अध्यक्ष अचल शाक्यले त्यहाँ कार्यरत २४ करार कर्मचारीलाई स्थायी र ८५ ज्यालादारी कर्मचारीलाई करारसहितका विभिन्न माग राख्दै तालाबन्दी गरिएको बताए ।

हाल उपकुलपतिको जिम्मेवारी पाएका डा शारदा थपलियाले आफ्नो अधिकारबाहिर गएर अन्य सबै काम गरेको भए पनि आफ्ना मागहरु सम्बोधन गर्ने विषयमा अनुदार भएकै कारण तालाबन्दी गर्नुपरेको शाक्यको भनाइ छ ।

यता थपलियाले अहिले तत्काल सङ्गठनको माग सम्बोधन गर्न नसकिने जानकारी दिनुभयो । उनले भने, “नेपाल सरकारको नीति नियमले उहाँहरुले भने जस्तो गरी माग सम्बोधन गर्न सकिँदैन, यस विषयमा वार्ताका लागि अनुसन्धान निर्देशक डा नवराज देवकोटाको संयोजकत्वमा समिति बनाइएको छ तर उहाँहरू वार्ता गर्न आउनुुभएको छैन ।” सो विश्वविद्यालयमा एक वर्षअघि दैनिक काम काज गर्ने गरी जिम्मेवारी पाएका थपलियाले नै उपकुलपतिको काम गर्दै आएका छन्।

विश्वविद्यालयको सेवा आयोगको अध्यक्ष र रजिष्ट्रार पद रिक्त छ । कृषि र भेटेरिनरी सङ्कायमा निमित्तको रुपमा उपकुलपतिको जिम्मेवारी पाउनुभएका थपलियाले निमित्त डीनहरु नियुक्त गरेका छन् । अधिकांश पदाधिकारी निमित्त भएकाले विश्वविद्यालय पछिल्लो समय अस्तव्यस्त बनेको हो । रजिष्ट्रार नहुँदा विश्वविद्यालयसभा अझै हुन सकेको छैन ।

Related News

सम्बन्धित समाचार

  • पोवि स्वास्थ्य विज्ञान संकायको तालिम

    आदर्श समाज सम्वाददाता फागुन २०, २०८०
    पोखरा । पोखरा विश्वविद्यालय (पोवि) स्वास्थ्य विज्ञान संकाय आयोजनामा फ्याकल्टी डेभलपमेन्ट तालिम सुरु भएको छ । ‘विद्यार्थीको सिकाइलाई सहज बनाउन…
  • लक्ष्मी आदर्श माविको स्वर्ण महोत्सव सकियो

    आदर्श समाज सम्वाददाता फागुन १८, २०८०
    लेखनाथ । पोखरा २७ मा रहेको लक्ष्मी आदर्श माविको स्वर्ण महोत्सव शुक्रबार सम्पन्न भएको छ । ३ दिनसम्म चलेको स्वर्ण…
  • पोखरा १२ मा मन्टेसरी तालिम सकियो

    आदर्श समाज सम्वाददाता फागुन १८, २०८०
    पोखरा ।  पोखरा महानगरपालिका १२ मा सञ्चालित निशुल्क मन्टेसरी तालिम सकिएको छ । ३ महिना अघिदेखि दैनिक ५ घन्टा सञ्चालन…
  • पोखरा नर्सिङ क्याम्पसको वार्षिकोत्सव

    आदर्श समाज सम्वाददाता फागुन १८, २०८०
    पोखरा । पोखरा नर्सिङ क्याम्पस पोखराको ४१ औं वार्षिकोत्सव समारोह बिहीबार भएको छ । २०३९ फागुन १७ गते स्थापना भएको…
  • विन्ध्येश्वरी आदर्शमा ग्लोबल क्विज

    आदर्श समाज सम्वाददाता फागुन १८, २०८०
    पोखरा । विन्ध्येश्वरी आदर्श बोर्डिङ स्कुल मोहरिया टोलमा कक्षा २–९ सम्म ग्लोबल क्विज तथा अंग्रेजी डायलग प्रतियोगिता सम्पन्न भएको छ…

hero news full width