पोखरा । लेकसाइडस्थित गौरीघाट क्षेत्र अझै सुनसान छ । अधिकांश होटलको मूलद्वारमै ताला पड्काइएको छ । ६ महिनादेखि यहाँ पाहुना आएका छैनन् । सरकारले असोज १ देखि होटल तथा रेष्टुरेन्टसमेत खोलेर सेवा दिन सकिने जनाए पनि होटल व्यवसायी संचालनको तयारीमा छैनन् ।
‘म त अहिले होटल खोल्दिनँ । यस्तो कोरोना लागेको बेलाँ । जहिलेसम्म सम्भावना हुँदैन, तबसम्म खोल्दिनँ । जति घाटा लागे लागेस्,’ गौरीघाटस्थित होटल पिस जोनकी संचालिका उर्मिला थापाले भनिन्, ‘५÷७ जना स्टाफ थिए, चैतदेखि नै घर गएका छन् । उनीहरुलाई बोलाएकी पनि छैन । पाहुना आउने सम्भावना नभएपछि अहिले यस्तो बेलामा खोलेर के गर्नु ?’
विगत १० वर्ष स्थापित सो होटल उर्मिलाले चलाउन थालेको भने १ वर्ष पुगेको छ । यहीबीचमा कोरोना महामारीले होटल बन्द गर्नुपर्यो । कहिलेसम्म सहज अवस्था आउला भन्ने पनि अनुमान नभएपछि उनले अझै घाटा खाने मनस्थितिमा रहेको बताइन् ।
बैदामस्थित होटल माउन्ट कैलाश भने पाहुना आए राख्ने तयारीमा छ । यसअघि साउन १५ देखि केही साताका लागि रेष्टुरेन्ट सेवा समेत दिएको माउन्ट कैलाशले सरकारले होटल पनि खोल्न सकिने भनेपछि आवश्यक तयारी थालेको जनाएको हो । होटल संचालक नरेश भट्टराईले भने, ‘असोज १ का लागि काठमाडौंका २ जना गेस्टबाट बुकिङ भैसकेको छ । अब थप पाहुना आए राख्दै जाने र सेवा दिने हो ।’ कोरोना महामारीको बीचमा पनि रेष्टुरेन्ट तथा होटल सेवा दिनका लागि भट्टराईले करिब २० प्रतिशत कर्मचारी बोलाइसकेको जानकारी दिए ।
यी दुई होटल संचालकको धारणा फरक–फरक पाइए पनि पोखरामा अधिकांश होटल तथा रेष्टुरेन्ट संचालक अहिले नै सेवा दिने तयारीमा छैनन् । कोरोना भाइरस संक्रमण जोखिम कायमै रहेको, पाहुना पनि आउन सम्भावना कम रहेको र कर्मचारी पनि कतिपय घर गएकोले खोल्न हतारिएका छैनन् ।
होटल ल्याण्डमार्क संचालक राजु पाण्डेले गएको साउनमा झैं आंशिकरुपमा कर्मचारी राखेर होटल तथा रेष्टुरेन्ट चलाउने बताए । पूर्णरुपमा सेवा दिने अवस्था नरहेको उनको भनाइ छ । उनको हङ्ग्री आई रेष्टुरेन्टको लागि आवश्यक कुक, वेटरसहित होटलमा क्लीनर, हाउसकिपिङ, सेक्युरिटी गरी मात्र २५ जना कर्मचारीलाई आमन्त्रण गरिएको छ । होटल तथा रेष्टुरेन्ट गरी उनकोमा विगतमा १ सय ४ जना कर्मचारी कार्यरत थिए । अहिले पूर्णरुपमा सेवा दिन कठिन रहेकोले आंशिकमात्र कर्मचारी बोलाइएको संचालक पाण्डेले बताए ।
होटल संचालकहरुको संस्था पश्चिमाञ्चल होटल संघ अध्यक्ष विकल तुलाचनले विगतमा आन्तरिक उडान तथा सार्वजनिक यातायात समेत संचालन नहुँदै करिब २० प्रतिशत होटल खुलेकोमा पुनः महामारी बढेपछि बन्द भएको बताए । उनका अनुसार अहिले सार्वजनिक यातायात र आन्तरिक हवाइ खोल्ने सरकारको निर्णयसँगै कोरोना संक्रमण जोखिमको अवस्था, पाहुनाको आगमन दर, सेवा दिन सक्ने अवस्था हेरीकन मात्र होटल संचालन हुने सक्ने छन् । उनले भने,‘अधिकांश होटल व्यवसायीहरु अहिले नै खोलेर सेवा दिने मनस्थितिमा हुनुहुन्न । यो वर्षको सिजन जारी रहे पनि कोरोना महामारीले यत्तिकै खेर जाने देखिन्छ ।’
हल्लनचोकस्थित फेयर माउन्टका संचालक समेत रहेका संघ अध्यक्ष तुलाचन आफै पनि असोज १ देखि होटल खोल्ने पक्षमा नरहेको बताउँछन् । कहिले खोल्ने, कहिले बन्द गर्ने सरकारको पटकपटकको निर्देशनले आफूहरुलाई पनि अन्यौल भएको उनले बताए । आवश्यक तयारीका लागि पनि कम्तीमा एक साता लाग्ने उनले बताए ।
पश्चिमाञ्चल होटल संघमा हाल ४ सय होटल दर्तामा छन् । दर्ता भएका होटलसहित साना ठूला गरी पोखरामा करिब ७ सय होटल छन् । साथै रेष्टुरेन्ट एण्ड बारको संख्या करिब १ सय छन् ।
पर्यटन व्यवसायीहरुका अनुसार पोखराको पर्यटन क्षेत्रमा हाल १ खर्ब २५ अर्ब रुपैयाँ लगानी छ । संवेदनशील क्षेत्र मानिने पर्यटन क्षेत्र कोरोना भाइरस महामारीका लागि ६ महिनादेखि नराम्ररी प्रभावित बनेको हो ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१