पोखरा, १ असोज । पोखरामा थप ४ जना कोरोना संक्रमित थपिएका छन् । यो सहित प्रदेशमा कुल संक्रमित संख्या ३ हजार २ सय ६ पुगेको छ ।

प्रदेश स्वास्थ निर्देशनालय, पोखराले बिहीबार दोस्रो विज्ञप्तिमार्फत् कास्कीको पोखराका ४ र तनहुँको व्यासका १ गरी ५ संक्रमित थप भएको जनाएको हो ।

जसमा पोखरा वडा ५ की ५२ वर्षीया महिला, वडा १० की ३४ वर्षीया महिला, वडा १८ का १९ वर्षीय पुरुष र ८ का ३४ वर्षीय पुरुष संक्रमित भएका हुन् । तनहुँको व्यास–४ की ३६ वर्षीया महिला समेत संक्रमित भएकी छन् ।

यसअघि, बिहीबार बिहान पनि पोखरामा ४ जनासहित गण्डकीमा २३ संक्रमित भेटिएको पुष्टि भएको थियो ।

गण्डकीमा संक्रमितमध्ये १ हजार ९ सय ३५ जना निको भइ घर फर्केका छन् । ३१ जनाको मृत्यु भएको छ ।