म्याग्दी, २९ भदौ । पर्वतको फलेवास नगरपालिका–४, मुडिकुवामा बाढीले बगाउँदा एक जनाको मृत्यु भएको छ । स्थानीय इन्द्रजित विककी तीन बर्षीया नातिनी निकिता विकको मृत्यु भएको वडा अध्यक्ष टीकाराम गौडेलले जानकारी दिए ।

‘परिवारसंगै कटेरोमा बसिरहेको समयमा अचानक बाढी आएपछि परिवारसंगै भाग्न खोज्दा बगाएर निकिताको ज्यान गएको हो,’–अध्यक्ष गौडेलले भने, ‘बाढीले कटेरो बगाएको छ भने मृतक तीन बर्षिया बालिकाको शव घर नजिकै भेटाइएको थियो ।’

यसैगरी, सोही वडाको चुरीमा रामप्रसाद तिवारी गोठ पुरिएको छ । गोठ पुरिँदा एउटा गोरु पनि मरेको छ । क्षतीको पूर्ण विवरण आउन बाँकी रहेको वडा अध्यक्ष गौडेलले बताए । दोबिल्ला फलेवास सडक समेत पहिरोले क्षतबिक्षत भएको छ ।