गरिमा र लेउवा संघबीच सम्झौता

आदर्श समाज सम्वाददाता
भाद्र २९, २०७७
photo agreement

लेखनाथ । महिलाहरुको आयआर्जनमा सहयोग पुग्ने गरी सरकारले ल्याएकोे सहुलियत दरको ऋण प्रवाहबारे लेखनाथ उद्योग बाणिज्य संघ र गरिमा विकास बैंक लि.बीच सम्झौता भएको छ ।

स्वदेशमा नै लगानी मैत्री वातावरण सृजना गर्ने उद्देश्यले सरकारले अगाडि सारेको सहुलियत दरको ऋण प्रवाह योजनाअन्तर्गत हातमा सीप हुने तर आर्थिक अभावका कारण ब्यवसायीक क्षेत्रमा आउन नसकेका महिलाहरुलाई लक्षित सो योजनामा २ संस्थाबीच सहकार्य गर्ने गरी आइतबार सम्झौता भएको हो ।

सम्झौतापत्रमा संघतर्फबाट अध्यक्ष बलराम ढकाल, वरिष्ठ उपाध्यक्ष छत्रधर आत्रेय र पूर्व अध्यक्ष सुमन भट्टराई तथा बैंकतर्फबाट प्रमुख कार्यकारी अधिकृत गोविन्दप्रसाद ढकाल, पोखराका क्लस्टर प्रमुख भोलाप्रसाद तिवारी र वरिष्ठ अधिकृत मेघबहादुर केसीले हस्ताक्षर गरेका हुन् ।

योजनाअन्तर्गत आयमूलक व्यवसाय तथा साना तथा मझौला घरेलु उद्योग संचालन गर्ने योजना सहित आउने महिलाहरुलाई संघको सिफारिसमा बैंकबाट उद्योगको प्रकृति हेरी बिनाधितो बढीमा १५ लाखसम्म ऋण लिन सक्ने ब्यवस्था गरिएको छ ।

संघका कार्यसमिति सदस्य एवं महिला उद्यमी परिचालन उपसमितिकी संयोजक मेनुका श्रेष्ठको अध्यक्षतामा भएको कार्यक्रममा संघका अध्यक्ष बलराम ढकालले सो योजनाको भरपूर उपयोग गरि स्वदेशमा नै रोजगार सृजना गर्नुपर्ने सुझाव सहित योजनाको उद्देश्यका बारेमा प्रकाश पारेका थिए ।

बैंकका प्रमुख कार्यकारी अधिकृत गोविन्दप्रसाद ढकालले महिलाहरुमा उद्यमशीलताको विकास गराउन सहुलियतपूर्ण कर्जा वरदान सावित हुने बताए ।

संघ महासचिव गोपिचन्द्र बास्तोलाले संचालन गरेको कार्यक्रममा कोषाध्यक्ष जानुका अधिकारीले धन्यवाद ज्ञापन गरेकी थिइन् ।

Related News

सम्बन्धित समाचार

  • पोयुसापलाई सर्वज्ञमान विष्णुदेवी संस्कृति पुरस्कार

    आदर्श समाज सम्वाददाता फागुन १८, २०८०
    पोखरा । पोखरेली युवा सांस्कृतिक परिवार (पोयुसाप) लाई सर्वज्ञमान विष्णुदेवी संस्कृति पुरस्कार २०८० अर्पण गरिने भएको छ । भैरव सांस्कृतिक…
  • ५३ युनिट रगत संकलन

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका– १२ ले रक्तदान कार्यक्रम सम्पन्न गरेको छ । शुक्रबार कार्यालय परिसरमा गरिएको कार्यक्रममा ५३ युनिट रगत…
  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…

hero news full width