पोखरा, २५ भदौ । गण्डकी प्रदेशमा थप ४५ जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकीले जारी गरेको विज्ञप्तिमा कास्कीका १० जना छन् । त्यस्तै नवलपुरका ३४ जना र गोरखाका १ जना रहेका छन् ।

कास्कीका सबै संक्रमित पोखरा महानगरपालिकाका हुन् । नवलपुरका देवचुली र गोरखाका आरुघाटका रहेका छन् ।

पोखरा–५ की ४५ बर्षीया महिला भदौ २६ गते नै फिस्टेल अस्पतालमा राति सवा एक बजे मृत्यु भएको अस्पताल प्रशासनलाई उद्धृत गर्दै स्वास्थ्य निर्देशनालयले विज्ञप्तिमा उल्लेख गरेको छ ।

संक्रमित सबैलाई आइसोलेसनमा लैजाने तयारी भैरहेको निर्देशनालयले जनाएको छ । प्रदेशमा कोरोना संक्रमितको संख्या २ हजार ८ सय ६५ पुगेको छ ।