पोखरा, २२ भदौ । गण्डकी प्रदेशमा थप ६७ जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकीले जारी गरेको विज्ञप्तिमा कास्कीका ३१ जना छन् । संक्रमित मध्ये नवलपुरका १५ जना, गोरखाका १८ जा र तनहुँका ३ जना छन् ।

पोखराको मेडीसिटी अस्पतालमा उपचाररत २ जना, पृथ्वीचोकको पश्चिमाञ्चल सामुदायिक अस्पतालमा कार्यरत २६ र २३ वर्षीया २ जना महिला स्वास्थ्यकर्मी (स्टाफनर्स) हुन् भने ३६ र २७ वर्षीया २ जना महिला सहयोगी कर्मचारी रहेका छन् । त्यस्तै पोखराकै पोखरा फूड्स प्रा.लि.मा कार्यरत १७ महिला र ८ पुरुष संक्रमण देखिएको छ भने नवलपुरका देवचुलीका ४० वर्षीय पुरुष पनि स्वास्थ्यकर्मी हुन् ।

कास्कीका सबै संक्रमित पोखरा महानगरपालिकाका हुन् । तनहुँका तीनैजना व्यास नगरपालिकाका हुन् । नवलपुरमा गैंडाकोटका १ जना र देबचुलीका १४ जना रहेका छन्, भने गोरखाका १८ मध्ये गोरखा नगरपालिकाका १६ जना र पालुङटारका २ जना रहेका छन् ।

संक्रमित सबैलाई आइसोलेसनमा लैजाने तयारी भैरहेको निर्देशनालयले जनाएको छ । प्रदेशमा कोरोना संक्रमितको संख्या २ हजार ५ सय ९८ पुगेको छ ।