पोखरा, २० भदौ । गण्डकी प्रदेशमा थप ४४ जनामा कोरोना संक्रमण पुष्टि भएको छ ।

स्वास्थ्य निर्देशनालयले जारी गरेको विज्ञप्तिमा कास्कीका २२ जना छन् । जसमध्ये २ जना महिला पश्चिमाञ्चल सामुदायिक अस्पतालमा कार्यरत कर्मचारी हुन् । संक्रमित मध्ये लमजुङ १७ जना, बागलुङका ३ जना, स्याङ्जा र नवलपुरका १÷१ जना रहेका छन् ।

कास्कीका सबै संक्रमित पोखरा महानगरपालिकाका हुन् । बागलुङका तमनखेला, बडिगाउँ र बागलुङका एक÷एक जना छन् । त्यस्तै स्याङ्जाको गल्याङ र नवलपरको हुप्सेकोटका एक÷एक रहेका छन् ।

पोखरा महानगरपालिका–१७ का २५ बर्षीय पुरुष, वडा १५ का २८ बर्षीय पुरुष, वडा १४ का ४१ र ४४ बर्षीय २ पुरुष र वडा २४ का ३१ बर्षीय पुरुष भारतबाट आएका हुन् ।

पोखरा–१६ का ५२ वर्षीय पुरुष सहकारीका कर्मचारी हुन् । बेशीसहका ४ जना उपचारका लागि अस्पताल आएका विरामी रहेको निर्देशनालयले जानकारी दिएको छ । अन्य संक्रमितको कन्ट्याक ट्रेसिङको आधारमा पहिचान गरिएको हो ।

संक्रमित सबैलाई आइसोलेसनमा लैजाने तयारी भैरहेको निर्देशनालयले जनाएको छ । प्रदेशमा कोरोना संक्रमितको संख्या २ हजार ४ सय ४७ पुगेको छ ।