बागलुङ । कोरोनाको कारण देश आक्रान्त बनिरहेको बेला सरकारले सभासम्मेलनमा रोक लगाए पनि पर्वतमा मानव संगठनबाटै नियम उल्लंघन भएको छ ।

सरकारले मानिसको भीड हुने किसिमका सबैखाले सभा, सम्मेलन, भोज र भेलामा रोक लगाएको भएपनि नेपाल मानव अधिकार संगठन पर्वतले अधिवेशन गरेको हो ।

पर्वतका अधिकारकर्मीले होटलमा भेला गरी १६ औं साधारण सभा तथा ५ औंअधिवेशन गरेका हुन।

अध्यक्षको लागि सहमति हुन नसकेपछि मतदान भएको थियो । मतदानपछि ४१ मतका साथ माधव पौडेल विजयी भएका छन् ।
उनका प्रतिष्र्धिी केदारनाथ आचार्यले १० मत प्राप्त गरे । ५८ जना सदस्य रहेको संस्थाको शाखाको अधिवेशनमा ५१ मत खसेको थियो ।

सरकारले लकडाउनपछि १५ जनाभन्दा बढी भेला हुन तथा सार्वजनिक कार्यक्रम गर्न रोक लगाएको बेला ५० भन्दा बढी भेला भएर चुनाव गरेको पाइएको हो ।