भदौ १६ देखि अन्तर्राष्ट्रिय उडान हुने

रासस
भाद्र १०, २०७७
A330-200-Hifly-Nepal-Airlines-landing

काठमाडौँ, १० भदौ । सरकारले भदौ १६ गतेदेखि आन्तरिक उडान सञ्चालन गर्ने भएको छ ।
नजिकिएको चाडबाडलाई मध्यनजर गर्दै सरकारले आन्तरिक उडान सञ्चालनको तयारी गरेको हो । तथापि, पहिलो चरणको आन्तरिक उडान राजधानी काठमाडौँबाट हिमाली तथा पहाडी भेगमा मात्र हुनेछ । बन्दाबन्दीको पाँच महिनापछि निश्चित शर्तसहित नियमित अन्तर्राष्ट्रिय उडान सञ्चालन गर्ने निर्णय गरेको सरकारले आन्तरिक उडान पनि सोही मितिदेखि शुरु गर्ने भएको हो ।

संस्कृति, पर्यटन तथा नागरिक उड्ड्यनमन्त्री योगेश भट्टराईले दशंै, तिहारजस्ता चाडपर्वलाई मध्यनजर गर्दै छिट्टै आन्तरिक उडान पनि शुरु गरिने बताए । राष्ट्रिय समाचार समिति (रासस) सँगको कुराकानीमा पर्यटनमन्त्री भट्टराईले केही पहाडी तथा हिमाली जिल्लाबाट आन्तरिक उडान सञ्चालन गरिने जानकारी दिए । उनले भने, ‘अहिले देशका विभिन्न स्थानमा लकडाउन र निषेधाज्ञाको स्थिति भएकाले आन्तरिक उडान चलिहाल्ने अवस्था छैन । तर पनि मन्त्रालयकोतर्फबाट केही पहाडी र हिमाली जिल्लाबाट उडान सुचारु गर्नका लागि छलफलमै छौँ । निजी क्षेत्रका वायुसेवा कम्पनीसँग छलफल गरेर मन्त्रिपरिषद्मा प्रस्ताव लैजान्छौँ ।’ कोभिड–१९ महामारीको सङ्क्रमणको जोखिमलाई मध्यनजर गर्दै तत्कालै तराईका जिल्लाका विमानस्थलमा आन्तरिक उडान नहुने पनि मन्त्री भट्टराईले स्पष्ट पारे ।

यसअघि भदौँ १ गतेदेखि आन्तरिक तथा अन्तर्राष्ट्रिय उडान शुरु गर्ने निर्णय गरेको सरकारले कोभिड–१९ को सङ्क्रमण राजधानीसहित विभिन्न जिल्लामा बढेपछि पुनः उडान स्थगन गरेको थियो । ‘अहिले देशभर कोरोना सङ्क्रमण बढीरहेको छ, आन्तरिक हवाई उडानबाट आउने जाने प्रायः काठमाडौँबाट तराई र तराईबाट काठमाडौैँ जाने नै बढि हुने भएकाले सम्भावित जोखिमलाई ध्यान दिदैँ अहिलेलाई मन्त्रालयले केही पहाडी र हिमाली जिल्लामा पूर्वदेखि पश्चिमसम्मका क्षेत्रमा आन्तरिक उडान परीक्षणको रुपमा सञ्चालन गर्ने गृहकार्य गरिरहेको छ । यो भदौ १६ बाटै हुन्छ’, पर्यटनमन्त्री भट्टराईले भने ।

Related News

सम्बन्धित समाचार

  • पोखरामा महाकमेडी विथ महाजात्रा

    आदर्श समाज सम्वाददाता फागुन २०, २०८०
    पोखरा । पोखरा सभागृहमा सोमबार ‘महाकमेडी विथ महाजात्रा’ हुने भएको छ । चलचित्र पत्रकार संघ कास्की आयोजनामा आइतबार आयोजित पत्रकार…
  • पोखरा प्रदर्शनी केन्द्रमा महायज्ञ तयारी

    आदर्श समाज सम्वाददाता फागुन २०, २०८०
    पोखरा । पोखरा प्रदर्शनी केन्द्रमा श्रीमद्भागवत ज्ञानमहायज्ञ हुने भएको छ । श्रीमद्भागवत सप्ताह ज्ञानमहायज्ञ मूल समारोह समितिले आगामी वैशाख १…
  • रुपामा अन्तरआमा समूह हाजिरी जवाफ

    आदर्श समाज सम्वाददाता फागुन २०, २०८०
    पोखरा । रूपा गाउँपालिका २ का अध्यक्ष राजन सुवेदीले चेतनामूलक समाज निर्माण गर्न सचेत नागरिक उत्पादनमा जोड दिनुपर्ने बताएका छन्…
  • रिटर्नी सेन्टर कास्कीमा सूर्यप्रसाद

    आदर्श समाज सम्वाददाता फागुन २०, २०८०
    पोखरा ।  विदेशबाट फर्केका नेकपा माओवादी निकटहरुको कास्की भेलाले सूर्यप्रसाद अधिकारीको अध्यक्षतामा नयाँ कार्यसमिति गठन गरेको छ । शनिबार भएको…
  • स्टेप बाइ स्टेपमा शैक्षिक प्रदर्शनी तथा पुरस्कार वितरण

    आदर्श समाज सम्वाददाता फागुन २०, २०८०
    पोखरा । स्टेप बाइ स्टेप माविमा शैक्षिक प्रदर्शनी, पुरस्कार वितरण तथा सांस्कृतिक कार्यक्रम सम्पन्न भएको छ । वर्षभरि भएका खेलकुद,…

hero news full width