पोखरा । जर्मन क्लब बायर्न म्युनिखले छैटौं पटक यरोपियन च्याम्पियन्स लिगको उपाधि जितेको छ । आइतबार राति भएको फाइनलमा फ्रेन्च क्लब पेरिस सेन्ट जर्मेन (पिएसजी)लाई १–० ले पराजित गर्दै बायर्नले च्याम्पियन्स लिग उपाधि जितेको हो ।

कोरोना भाइरको महामारीको कारण पूर्व निर्धारित खेल तालिका रद्ध गरी बाँकी खेल पोर्चुगलको लिस्वनमा खेलाइएको थियो ।

फ्रेन्च खेडाली किंग्सले कोमनले एकमात्र विजयी गोल गरेका थिए । उनले ५९औं मिनेटमा जोसअ किम्मिकको पासमा गोल गर्दै बायर्नलाई अग्रता दिलाएका थिए ।

पीएसजी स्थापनाको ५० औं वर्षको अवधिमा पहिलो पटक च्याम्पियन्स लिगको फाइनल पुगेको हो ।

२०१३ यता बायर्नले च्याम्पियन्स लिग जित्न सकेको थिएन । बायर्नको यो छैठौं च्याम्पियन्स लिग उपाधि हो ।

बायर्नले यस सिजन जर्मन बुण्डेसलिगा, जर्मन कप र च्याम्पियन्स लिग जितेको छ ।