दमौली । तनहँुमा सोमबार २ जना कोरोना संक्रमित थपिएका छन् ।

क्षयरोग उपचार केन्द्र पोखरामा गरिएको परीक्षणमा भानु नगरपालिका र बन्दीपुर गाँउपालिकामा १÷ १ जना संक्रमित थपिएका हुन् ।

भानु नगरपालिका १ का ३४ र बन्दीपुर गाउँपालिका ५ का ३४ वर्षीय पुरुषमा कोरोना संक्रमण पुष्टि भएको हो । उनीहरुलाई सम्बन्धित स्थानीय तहको आइसोलेसन राखी उपचार भइराखेको छ ।

गत २४ घण्टामा तनहँुमा ५९ जनाको स्वाब संकलन गरी परीक्षणको लागि पोखरा पठाइएकोमध्ये ५७ जनाको रिपोर्ट नेगेटिभ आएको हो ।

सोमबार २ संक्रमित थपसँगै जिल्लामा कुल संक्रमित संख्या १ सय ८६ पुगेको छ । निको हुनेको संख्या १ सय ७६ पुगेको छ ।

यसैबीच, सोमबार भेटिएका कोरोना संक्रमित समुदायस्तरका रहेका भन्दै पालिकाहरुले उच्च सतर्कता अपनाएका छन् । बन्दीपुर गाउँपालिकाद्वारा साउन २६ देखि २९ सम्म संक्रमण देखिएको स्थानमा अत्यावश्यक बाहेका सेवा बन्द गरिएको छ ।

भानु नगरपालिकाले पनि कोरोनाको जोखिम न्यूनीकरण गर्न नगरपालिका एक हप्ताको लागि बन्द गरेको छ । सोमबार बैठक बसी एक हप्ताको लागि नगरपालिका, वडा कार्यालय लगायत अत्याश्यक बाहेकका सेवा बन्द गर्ने निर्णय गरेको हो ।