बेपत्ता गिरी १ महिनापछि भालुपहाडमा मृत फेला

आदर्श समाज सम्वाददाता
श्रावण १९, २०७७
murdercrimedead-321015958_6

फाइल फोटो

पोखरा, १९ साउन ।  स्याङ्जाबाट बुलेट चढेर पोखरातर्फ आएका एक युवक बेपत्ता भएको ठिक १ महिनापछि मृत फेला परेका छन् ।

स्याङ्जाको चापाकोट–५, सेखाम घर भई पोखरा–५, पस्र्याङ बस्ने १९ वर्षीय पंकज गिरी सोमबार मृत फेला परेका हुन् । जिल्ला प्रहरी कार्यालय कास्कीका अनुसार पोखरा–सुनौली सिद्धार्थ राजमार्गअन्तर्गत स्याङ्जाको भालुपहाडमा राजमार्गभन्दा ४ सय मिटर तल झ्याङमा अडिएको अवस्थामा सोमबार उनको शव फेला परेको हो ।

गत असार १८ मा स्याङ्जा बाडखोलाबाट ना ४० प ३७२० नम्बरको बुलेट बाइक चढेर पोखरा आएका गिरी लामो समयसम्म परिवारको सम्पर्कमा नआउँदा घटना रहस्यमय बन्दै गएको थियो । परिवार तथा आफन्तले उनको निकै खोजीनीति गरेका थिए ।

उनी बेपत्ताको ठिक १ महिनापछि साउन १८ मा भालुपहाड तल सेतीखोला खोंचमा माछा मार्ने मानिसहरुले दुर्घटनाग्रस्त एक मोटरसाइकल देखेपछि प्रहरीलाई खबर गरेका थिए ।

सो बाइकको हुलिया प्रहरी र परिवारका सदस्यको सहयोगमा गिरी नै चढेको खुलेपछि उनी दुर्घटनामा परेको आशंकामा प्रहरीले अघिल्लो दिनदेखि त्यसक्षेत्रमा खोजी तीव्र पारेको थियो । प्रहरीले सोको भोलिपल्ट सोमबार (साउन १९) दिउँसो १ बजे मात्र मोटरसाइकल फेला परेको स्थानभन्दा करिब ३० मिटरमाथि पहाडको झ्याङमा कपडासहित उनको कंकाल भेटाएको हो । आफन्तले शव पहिचान गरेपछि उनीहरुको जिम्मा लगाइएको कास्की प्रहरीले जनाएको छ ।

पोखराको बाग्लुङ बसपार्कस्थित सुनील अटो पार्टस्मा काम गर्ने गिरी लकडाउन सुरु नहुँदै स्याङ्जा गएको बताइएको छ । उनले घर जाँदा चैत ८ मा पोखरा लेकसाइडस्थित पोखरा मोटरसाइकल रेन्ट हाउसबाट सो बाइक भाडामा लिएको खुलेको छ ।

गिरी हराएपछि आफन्तले जिल्ला प्रहरी कार्यालय स्याङ्जा, जिल्ला प्रहरी कार्यालय कास्की र वडा प्रहरी कार्यालय बैदाममा समेत निवेदन दिएका थिए।

Related News

सम्बन्धित समाचार

  • लक्ष्मी आदर्शको स्वर्ण महोत्सव

    आदर्श समाज सम्वाददाता फागुन १७, २०८०
    लेखनाथ । संस्कृतिविद् डा.जगमान गुरुङले पूर्वीय दर्शनको शिक्षा पद्दति जोगाउनुपर्नेमा जोड दिएका छन् । लक्ष्मी आदर्श माविको स्वर्ण महोत्सवअन्तर्गत दोस्रो…
  • मिर्गौला पीडितलाई आर्थिक सहयोग

    आदर्श समाज सम्वाददाता फागुन १७, २०८०
    पोखरा । मिर्गौला पीडित पासाङ लिम्वु शेर्पालाई आर्थिक सहयोग हस्तान्तरण गरिएको छ । इलाम घर भइ हाल पोखरा ६ बस्दै…
  • सूर्यतारा नेकोस खेल महोत्सव हुने

    आदर्श समाज सम्वाददाता फागुन १७, २०८०
    पोखरा । नेपाल खेलकुद महासंघ (नेकोस) गण्डकी र सूर्यतारा क्लबको संयुक्त आयोजनामा पोखरामा खेल महोत्सव हुने भएको छ । चैत…
  • बिग मार्टको पोखरामा ५ शाखा एक साथ

    आदर्श समाज सम्वाददाता फागुन १७, २०८०
    पोखरा । बिग मार्टले पोखरामा ग्रान्ड ओपेनिङ गर्ने भएको छ । काठमाडौंमा ९० स्टोर सञ्चालन गरिरहेको बिगमार्टले १९ फागुनमा पोखराको…
  • बागलुङको भकुन्डेमा रुद्रमानको सालिक

    आदर्श समाज सम्वाददाता फागुन १७, २०८०
    गलकोट । बागलुङ नगरपालिका–१० पर्यटकीय गाउँ भकुण्डेमा ग्रामीण पर्यटनका अगुवाको सम्झानामा सालिकसहित उद्यान बनाइएको छ । ४ वर्षदेखि थालिएको उद्यान…

hero news full width