पीस हिमालयन सिटीको अभिमुखीकरण

आदर्श समाज सम्वाददाता
श्रावण १७, २०७७
pokhara peace

पोखरा  । लायन्स क्लब पोखरा पीस हिमालयन सिटीले छैटौं वार्षिकोत्सव अवसरमा क्लब सदस्यको लागि सामाजिक सेवा र लायनवादसम्बन्धी अभिमुखीकरण कार्यक्रम गरेको छ । कार्यक्रममा लायनवाद, नेपालमा लायन्सको स्थापना र लायन्सले सामाजिक क्षेत्रमा पुर्‍याएको योगदानबारे सहजीकरण गरिएको थियो ।

प्रमुख अतिथि लायन्स डिस्ट्रिक ३२५ बी वान नेपालका प्रथम भाइस डिस्ट्रिक गभर्नर विश्वेश्वर आचार्यले नेपालमा लायनवादको ५० वर्षको इतिहासमा सामाजिक क्षेत्रमा लायन्सले महत्वपूर्ण योगदान पुर्‍याएको बताउँदै निरन्तर सामाजिक सेवामा समर्पण गर्दै अगाडि बढ्न आग्रह गरे । लायन्सको मर्मबमोजिम समाजसेवा, समाजमा नेतृत्वदायी भूमिका तथा आपसी सद्भावका कार्य सञ्चालन गर्नुपर्ने उनको सुझाव थियो ।

लायन्स डिस्ट्रिक ३२५ बी वान नेपालका पीआरओ इन चिफ राम बसेलले सामाजिक सेवाका कार्यमा सबैसँग हातमा हात मिलाएर अगाडि बढ्न आग्रह गरे ।

लायन्स डिस्ट्रिक ३२५ बी वान नेपालका सिनियर एओजी मेघनाथ काफ्लेले लायन्स विविधताभित्रको एकता हो भने ।

लायन्स पीस हिमालयन सिटीका संस्थापक डा टेकनारायण पौडेलले लायन्सले समाज सेवाप्रति अटल छाप स्थापित गर्न सफल भएको बताए ।

लायन्स डिस्ट्रिक ३२५ बी वान नेपालका रिजन चेयरपर्सन वैकुण्ठ पौडेलले समन्वय र सहकार्य गर्र्दै सामाजिक सेवामा अगाडि बढ्न आग्रह गरे ।

जोन चेयरपर्सन गोविन्द काफ्लेले आपत्विपत् तथा संकटको बेला लायन्सको महत्वपूर्ण भूमिका हुने बताए ।

लायन्स क्लब अफ पोखरा पीस हिमालयन सिटीका अध्यक्ष टंकप्रसाद खनालको अध्यक्षतामा सम्पन्न कार्यक्रममा क्लबका पूर्व अध्यक्षहरु भोजराज बराल, अनन्त पण्डित, बुद्धिमान शर्मा, सचिव छविलाल पौडेल, क्लबका पदाधिकारी एवम् सदस्य सहभागी थिए ।

Related News

सम्बन्धित समाचार

  • पोयुसापलाई सर्वज्ञमान विष्णुदेवी संस्कृति पुरस्कार

    आदर्श समाज सम्वाददाता फागुन १८, २०८०
    पोखरा । पोखरेली युवा सांस्कृतिक परिवार (पोयुसाप) लाई सर्वज्ञमान विष्णुदेवी संस्कृति पुरस्कार २०८० अर्पण गरिने भएको छ । भैरव सांस्कृतिक…
  • ५३ युनिट रगत संकलन

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका– १२ ले रक्तदान कार्यक्रम सम्पन्न गरेको छ । शुक्रबार कार्यालय परिसरमा गरिएको कार्यक्रममा ५३ युनिट रगत…
  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…

hero news full width