पोखरा । नेपाली काँग्रेसबाट पोखरा महानगरका विभिन्न वडामा विजयी वडाध्यक्षहरुले पोखरा महानगर अनियमितताको चंगुलमा फसेको गम्भीर आरोप लगाएका छन् । कर्मचारीसँगको मिलेमतोमा जनप्रतिनिधि नै भ्रष्टाचारमा लागेको आरोप काँग्रेसको आरोप छ ।
‘मेरो कुनै भ्रष्टाचारको प्रमाण भेट्नुहुन्न । म दाबाका साथ भन्न सक्छु, काँग्रेसबाट जितेका वडाध्यक्षहरु पनि त्यस्तो अनियमिततामा हुनुहुन्न,’ काँग्रेस सचेतक रामराज लामिछानेले भने, ‘नेकपाबाट विजयी वडाध्यक्षका कुरा त तपाईंहरुले सुनिरहनुभएकै छ नि ।’
११ जना वडाध्यक्षहरुले संयुक्त रुपमा पोखरा महानगरपालिकाका विभिन्न ठेक्कासम्झौतामा भएका अनियमितताका घटनाहरु बुँदागत फेहरिस्थ सुनाए । ‘निर्वाचित भएपछि पहिलो वर्ष पर्ख र हेरको अवस्थामा रह्यौं । दोस्रो वर्ष महानगरलाई राम्रोसँग चलाउँदै हाम्रो र राम्रो महानगर बनाउन विभिन्न चरणमा सुझाव दियौं,’ उनीहरुले भने, ‘तर कार्यान्वयन भएनन् । तेस्रो वर्षमा पनि उल्लेखनीय काम भएनन् र चौथोमा पनि केही हुने लक्षण छैन ।’
घाट ठेक्कादेखि कवाडी र सटर भाडासम्म महानगरका कर्मचारीले गरेका गलत कामबारे उनीहरुले पत्रकारलाई बताए । ‘महानगरपालिकाको कामकारहीमा विभिन्न विकासका योजना तथा ठेक्कासम्झौतामा एकलौटी गरिएको छ । आफ्नै कार्यकर्ता पोस्ने काम गरेको छ,’ सोमबार आयोजित पत्रकार सम्मेलनमा जारी विज्ञप्तिमा उल्लेख छ, ‘विभिन्न घाटहरुको ठेक्कासम्झौतामा अनियमिता छ । महानगर स्वामित्वका भवनहरुको घरभाडामा आर्थिक चलखेल देखिन्छ । पार्किङ ठेक्का वापतको रकम अझै असुल गरेको छैन । बैंक ग्यारेन्टी नराखी अनियमितता भएको छ ।’
पछिल्लो समय महानगरमा भएका गैरकानूनी सम्झौताका समाचार दिनहुँ आउन थालेपछि काँग्रेस बाध्य भएर पत्रकार सम्मेलन गरेको हो । काँग्रेसले रामघाट ठेक्कासम्झौता प्रचलित कानूनविपरीत भएको निष्कर्ष निकालेको छ । राजी कन्स्ट्रक्सनसँग बैंक ज्ञारेण्टी नराखी सम्झौता गरेको र लामो समयसम्म पनि तोकिएको रकम राजश्व खातामा जम्मा नभएको भन्दै लामिछानेले यो सिधैँ अनियमितता भएकोले गम्भीर छानविन हुनुपर्ने माग राखे ।
जनप्रतिनिधि आउनुअघि २३ करोड रहेको बेरुजु बढेर १ अर्ब २६ करोड पुगेको छ । पोखरा सिर्जनाचोकस्थित महानगरको भवन ७६ लाख पर्नेे गरी भाडामा दिइएकोमा हालसम्म १ करोड ८६ हजार असुल गर्न नसकेको, मालपोत कार्यालयअघिका सटर मिलेमोतोमा सस्तो बनाइएको आरोप काँग्रेसको छ । ‘विगतमा २५ हजार मासिक भाडामा दिइँदै आएको सटर अहिले १०÷१२ हजारमै सम्झौता गरी आर्थिक हिनामिना गरिएको छ,’ विज्ञप्तिमा भनिएको छ ।
महालेखापरीक्षकको प्रतिवेदन नै तोडमोड गरिएको र हालसम्म आफूहरुले वास्तविक प्रतिवेदन नपाएको लामिछानेले बताए । यस्तै, मेयरको स्वकीय सचिवमा नासु तोकिए पनि अधिकृतस्तरको तलब सुविधा दिएकोप्रति उनीहरुको आपत्ति छ । विज्ञापन खर्च, इन्धन खर्च, भ्रमण भत्ता खर्च, खाजा खर्च, जिन्सी सामानका खर्चहरु अपारदर्शी गरिएको, विज्ञापन करको बक्यौता कायम रहेको लगायतका गुनासो काँग्रेस वडाध्यक्षहरुको छ । पोखरा महानगरपालिकाका कुल ३३ वटामध्ये ११ वटा वडामा काँग्रेसबाट जितेका वडाध्यक्ष छन् ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१