पोखरा, ११ साउन । सोमबार रातिबाट पुनः वर्षा हुने भएको छ । सोमबारदेखि ३/४ दिनसम्म नेपालमा मनसुन सक्रिय भई देशको धेरै जसो स्थानहरुमा वर्षा हुने छ । केही स्थानमा भने भारी वर्षाको सम्भावना रहेको जल तथा मौसम विज्ञान विभागले जनाएको छ ।

सोमबार रातिबाट मनसुन न्यून चापीय रेखा नेपालको तराई भू–भाग नजिक रहने तथा अरब सागरबाट समेत पर्याप्त जल वाष्पयुक्त हावा भित्रिने सम्भावना रहेको विभागले मौसमी वुलेटिनमार्फत जनाएको छ ।

वर्षासँगै विभिन्न स्थानहरुका नदीनाला र खोलामा पानीको बहाव बढ्ने, पहाडी क्षेत्रमा भू–क्षय हुने, पहिरो जाने, सडक तथा हवाई यातायात प्रभावित हुने तथा ढल र पानीको राम्रो निकास नभएको ठाउँमा डुबान समेतको जोखिम रहन सक्ने भएकोले आवश्यक सतर्कता अपनाउन विभागले अनुरोध गरेको छ ।