पोखरा । गरिमा विकास बैंकले अनलाइनबाट खाता खोल्न सक्ने गरी नयाँ व्यवस्था सुरु गरेको छ ।

विदेश रहने सेवाग्राहीले समेत आफै खाता खोलेर आफ्नै खातामा रकम जम्मा गर्न सक्ने व्यवस्था मिलाइएको बैंकका नायव प्रमुख कार्यकारी अधिकृत माधवप्रसाद उपाध्यायले बताए ।

जसको लागि बैंकको वेवसाइटमा गएर अनलाइन एकाउन्ट ओपनिङमा गरी उपयुक्त खाता प्रकार छनौट गरी निर्देशनबमोजिम आफ्नो विवरण भरी खाता खोल्न सकिने छ । जसमा आवश्यक कागजातहरु अपलोड गर्नुपर्ने बैंकले जनाएको छ ।

काठमाडौं लाजिम्पाट प्रधानकार्यालय रहेको बैंकले काठमाडौं उपत्यकाभित्र १० वटा शाखासहित देशभर ९१ शाखा संचालनमा ल्याएको छ । बैंकले ५१ एटीएम र गरिमा रेमिटका १० हजार बढी एजेण्टमार्फत ग्राहकलाई सेवा प्रदान गर्दै आएको उपाध्यायले बताए ।