गुरुङको उपचारमा पौने ३ लाख सहयोग

आदर्श समाज सम्वाददाता
श्रावण ९, २०७७
help

पोखरा । विश्व गुरुङको उपचार सहयोगार्थ युके र हङकङबाट संकलित दुई लाख ७५ हजार नगद प्रदान गरिएको छ ।

पर्वत मोदी–१, लौसिवोट घर भइ पोखराको फूलबारी बस्दै आएका २५ वर्षीय गुरुङ २ वर्ष अगाडि भर्‍याङबाट लडेका थिए । टाउकोमा गम्भीर चोट लागेका उनको हालसम्म पनि होस खुलेको छैन ।

उनको उपचारमा १ करोडभन्दा बढी रकम खर्च भइसकेको र हाल आर्थिक अभाव सिर्जना भएपछि युकेमा रहेका नेपाली, लौसिबोट हङकङ समाज र लौसिवोट युकेबाट आर्थिक सहयोग संकलन गरिएको थियो । सो रकम उनकी आमा डिलकुमारी गुरुङलाई प्रदान गरियो ।

सहयोगका लागि लौसिवोट हङकङ समाज र लौसिबोट युके समाजबाट एकमुष्ट ६० हजार र बेलायतमा रहेका पर्वतवासी जयन्ती गुरुङ र इन्द्र गुरुङको पहलमा संकलित २ लाख १५ हजार रुपैयाँ सहयोग संकलन भएको थियो ।

सहयोग रकम हस्तान्तरण गर्दै लौसिवोट पोखरा सम्पर्क समाजका अध्यक्ष लोकबहादुर गुरुङले विश्वको उपचारको क्रममा डिलकुमारी गुरुङले निकै दुख कष्ट व्यहोर्नुपरेको र यसरी दुखको वेलामा विदेशमा रहेरपनि सहयोग गरेकोमा धन्यवाद ब्यक्त गरे । उनले समाजतर्फबाट १ लाख प्रदान गरिसकेको बताउँदै सो अवसरमा पुनः नगद ५ हजार रुपैयाँ सहयोग प्रदान गरे ।

सामाजिक अभियन्ता लक्ष्मी गुरुङले आफूले केही दिन पहिले विश्व गुरुङको बारेमा जान्ने मौका पाएको र उनको यथार्थ झल्किने गरी सामाजिक सञ्जालमा भिडियो र फोटो राखेर युकेमा रहेका दिदीवहिनीहरुले थाहा पाएर सहयोग जुटेको बताइन् ।

Related News

सम्बन्धित समाचार

  • पोयुसापलाई सर्वज्ञमान विष्णुदेवी संस्कृति पुरस्कार

    आदर्श समाज सम्वाददाता फागुन १८, २०८०
    पोखरा । पोखरेली युवा सांस्कृतिक परिवार (पोयुसाप) लाई सर्वज्ञमान विष्णुदेवी संस्कृति पुरस्कार २०८० अर्पण गरिने भएको छ । भैरव सांस्कृतिक…
  • ५३ युनिट रगत संकलन

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका– १२ ले रक्तदान कार्यक्रम सम्पन्न गरेको छ । शुक्रबार कार्यालय परिसरमा गरिएको कार्यक्रममा ५३ युनिट रगत…
  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…

hero news full width