‘स्मृतिमा श्रीमान् थुलुङ’ विमोचित

आदर्श समाज सम्वाददाता
श्रावण ९, २०७७
Shreeman Thulung photo

पोखरा | गायक, संगीतकार एवं गीतकार श्रीमान् थुलुङको स्मृतिमा प्रकाशित स्मृति ग्रन्थ पोखरामा विमोचन गरिएको छ।

नेपाल संगीत तथा नाट्य प्रज्ञा प्रतिष्ठानका पूर्व कुलपति सरुभक्तले “स्मृतिमा श्रीमान थुलुङ” नाम सो स्मृति ग्रन्थको विमोचन गर्दै स्मृति ग्रन्थले श्रीमान् थुलुङको सम्झना गराइरहने बताए।

कार्यक्रममा नेकपा केन्द्रीय सदस्य एवं कास्की सह–इञ्चार्ज श्रीनाथ बराल, पूर्वाञ्चल सेवा समाज, कास्की अध्यक्ष गोपाल खड्का, स्मृति ग्रन्थ प्रकाशन समिति संयोजक डीबी राई, अनुज कुलुङ, किराँत सेवा समाज, कास्कीका अध्यक्ष लोकेन्द्र राई, संरक्षक डा. लक्ष्मीप्रसाद राई, त्रिवेणी संगीतालयका प्रबन्ध निर्देशक नवराज बराल, प्रकाशन समिति सम्पादक अनुराग अधिकारी, रुपिन्द्र प्रभावीलगायतले थुलुङको व्यक्तित्वको स्मरण गरे। यस्तै, स्मृति राई, संगीता राई र उमेश राईले थुलुङको सम्झनामा गीत सुनाए।

स्मृति ग्रन्थ बिक्रीबाट बचत रकम थुलुङको सम्झनामा अक्षयकोष स्थापना गरी हरेक वर्ष सङ्गीतको क्षेत्रमा अगाडि बढ्ने सङ्गीतकर्मीलाई सम्मान गरिनेछ।

स्मृति ग्रन्थको प्रकाशक तराना म्यूजिक सेन्टर र संरक्षक थुलुङकी श्रीमती विमला राई हुन्। ग्रन्थमा ४६ जनाले लेख लेखेका छन्।

संगीतकर्मी थुलुङले पोखरामा तराना म्यूजिक सेन्टर स्थापना गरी नयाँ प्रतिभा जन्माउन सहयोग गरेका थिए। उनको २०७५ चैत २८ मा दुर्घटनामा परी निधन भएको थियो।

Related News

सम्बन्धित समाचार

  • सृजना विकास केन्द्रमा विष्णुप्रसाद बराल

    आदर्श समाज सम्वाददाता फागुन २०, २०८०
    पोखरा ।  सृजना विकास केन्द्र, पोखराको अध्यक्षमा नयाँ कार्यसमिति निर्वाचित भएको छ । संस्थाको शनिबार ४६ औं साधारण सभा एवं…
  • पोयुसापलाई सर्वज्ञमान विष्णुदेवी संस्कृति पुरस्कार

    आदर्श समाज सम्वाददाता फागुन १८, २०८०
    पोखरा । पोखरेली युवा सांस्कृतिक परिवार (पोयुसाप) लाई सर्वज्ञमान विष्णुदेवी संस्कृति पुरस्कार २०८० अर्पण गरिने भएको छ । भैरव सांस्कृतिक…
  • ५३ युनिट रगत संकलन

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका– १२ ले रक्तदान कार्यक्रम सम्पन्न गरेको छ । शुक्रबार कार्यालय परिसरमा गरिएको कार्यक्रममा ५३ युनिट रगत…
  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…

hero news full width