पोखरा, ८ साउन । नेपालमा कोभिड–१९ बाट पहिलो पटक विदेशी नागरिकको मृत्यु भएको छ ।
काठमाडौंको महाराजगञ्जस्थित त्रिवि शिक्षण अस्पतालमा ४८ वर्षीया चिनियाँ महिलाको बुधबार मृत्यु भएको स्वास्थ्य तथा जनसंख्या मन्त्रालयले बुधबार नियमित प्रेस ब्रिफिङमा जनाएको हो ।
कोभिड–१९ बाट ज्यान गुमाउने ती चिनियाँ नागरिक भने पोखरामा बस्दै आएकी थिइन् । उनले पर्यटकीय सहर पोखरा लेकसाइडमा केही वर्षदेखि रेष्टुरेन्ट चलाउँदै आएको खुलेको छ । साथै उनी १ वर्षदेखि चीन फर्केकी थिइनन् ।
कुनै पनि ट्राभल हिस्ट्री नभएकी ती नागरिकमा कसरी कोरोना भेटियो भन्नेबारे पोखरास्थित स्वास्थ्य निर्देशनालयका अधिकारी पनि अचम्मित छन् । स्वास्थ्य निर्देशक डा. विनोदबिन्दु शर्माले स्वास्थ्यमा समस्या देखिएपछि काठमाडौं रेफर गरिएकी ती नागरिकमा कोरोना पुष्टि भएको आफूले जानकारी पाएको र कसरी कोरोना संक्रमण भेटियो भन्नेबारे कन्ट्याक्ट टे«सिङ थाल्ने जनाए ।
स्वास्थ्यमा समस्या देखिएपछि गत सुरुवातमा पोखराको मणिपाल शिक्षण अस्पताल भर्ना भएकी उनलाई साउन २ गते थप उपचारका लागि हेलिकोप्टरमार्फत काठमाडौस्थित ग्रान्डी अस्पताल लगिएको थियो ।
काठमाडौं पुर्याएपछि पीसीआर परीक्षण क्रममा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
कोरोना पुष्टि भएपछि उनलाई शिक्षण अस्पताल महाराजगञ्जस्थित सघन उपचार कक्षमा लगिएकोमा बुधबार मृत्यु भएको हो ।
योसँगै बुधबारमा नेपालमा थप एक जनाको कोरोनाकै कारण मृत्यु भएको मन्त्रालयले जनाएको छ । हालसम्म कोरोनाबाट मृत्यु हुनेको संख्या ४२ पुगेको छ ।
Related News
सम्बन्धित समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
hero news full width
मुख्य समाचार
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१