पहिरोले घर बगाउँदा मृत्यु

आदर्श समाज सम्वाददाता
श्रावण ८, २०७७
Pahiro

प्रतिकात्मक तस्बिर

पोखरा, ८ साउन । स्याङ्जाको गल्याङ नगरपालिका वडा १०, गाउँस्वाँराकी ५२ वर्षीया माया सारुको पहिरोमा परेर मृत्यु भएको छ । पहिरोमा उनकी छोरी घाइते छन् ।

केही दिनदेखिको अविरल वर्षापछि बुधबार बिहान सवा ५ बजे करिब ३० मिटर माथिबाट खसेको पहिरोले उनको घर बगाएको थियो । पहिरोमा उनकी २० वर्षीया छोरी नारायणी सारु घाइते भएको जिल्ला प्रहरी कार्यालय स्याङ्जाका प्रवक्ता डीएसपी राजेन्द्रप्रसाद अधिकारीले जानकारी दिए ।

उनका अनुसार घाइते नारायणको गल्याङ नगर अस्पतालमा प्राथमिक उपचारपछि थप उपचारका लागि प्राथमिक स्वास्थ्य केन्द्र, वालिङ पठाइएको छ ।

Related News

सम्बन्धित समाचार

hero news full width