लेखनाथ । नेपाली काँग्रेस पोखरा वडा ३२ का सहसंयोजक तथा साविक लेखनाथ नगरपालिका वडा १४ का वडाअध्यक्ष शिव गुरुङको ६४ वर्षको उमेरमा निधन भएको छ ।

मधुमेह र उच्च रक्तचापका कारण लामो समयदेखि बिरामी गुरुङको शनिवार राति उपचार क्रममा निधन भएको नेपाली काँग्रेस क्षेत्रीय प्रतिनिधि मोहन प्रधानले जानकारी दिएका छन् । उनी काँग्रेस राजनीतिमा क्रियाशील हुँदै सामाजिक क्षेत्रमा अग्रसर थिए ।

स्व. गुरुङको आइतवार धार्मिक परम्पराअनुसार शवयात्रा सहित अन्त्येष्टि गरिएको छ ।

उनको पार्थीव शरीरमा पूर्व मन्त्री यज्ञबहादुर थापा, कास्की काँग्रेसका सभापति कृष्ण केसी, क्षेत्र १ का क्षेत्रीय सभापति बृजमान गुरुङ, महासमिति सदस्य बुद्धिमान गुरुङ लगायतले पार्टीको झण्डा ओढाइ अन्तिम श्रद्धाञ्जली अर्पण गरेका थिए।