पोखरा, १४असार । जननेता मदनकुमार भण्डारीको ६९ औं जन्मजयन्ती तथा दोस्रो राष्ट्रिय वृक्षरोपण दिवसको सन्दर्भमा रवीन्द्र अधिकारी स्मृति प्रतिष्ठानको आयोजनामा बृक्षारोपण गरिएको छ ।

कार्यक्रमको नेपाल कम्युनिस्ट पार्टी ( नेकपा) केन्द्रीय कमिटी सदस्य एबम गण्डकी प्रदेशका सह इन्चार्ज प्रतिनिधि सभा सदस्य खगराज अधिकारिले शुभारम्भ गरेका हुन् । अधिकारिले जननेता मदनकुमार भण्डारीले बिश्व कम्युनिस्ट आन्दोलनलाई नेपालबाट नयाँ शिराबाट उठाएको भन्दै भन्डारीको योगदानको चर्चा गरे।

पोखरा ३३ र २१ मा पर्ने रवीन्द्र स्मृति पार्क र सर्मानेढुँङ्गामा आयोजित कार्यक्रममा केन्द्रीय कमिटी सदस्यद्वय श्रीनाथ बराल, सीता गिरी ओली ,केन्द्रीय सदस्य एबम पोखरा महानगरका मेयर मानबहादुर जि सि , नेकपा कास्की अध्यक्ष कृष्णबहादुर थापा, पोखरा ३३ का वडा अध्यक्ष शिवप्रसाद आचार्य ,नेकपा कास्की जिल्ला कमिटी सदस्य झपट रानाभाट लगायतले नेपालको कम्युनिस्ट आन्दोलनमा मदन भन्डारीको योगदानको चर्चा गर्दै नेकपा लाई अझै बलियो बनाउनु पर्नेमा जोड दिएका थिए ।

सो अबसरमा वरपिपल,सुमी,असोका,कल्चा लगाएतका करिब २५० बिरुवा रोपिएको बताइएको छ। रवीन्द्र स्मृति प्रतिस्ठानका अध्यक्ष प्रतिनिधि सभा सदस्य बिद्या भट्टराई अधिकारीको अध्यक्षतामा सम्पन्न कार्यक्रमको संचालन कास्कीका सचिबालय सदस्य दामोदर बैरागीले गरेका थिए।