पोखरा, १३ असार । श्रीविहानी वचत तथा ऋण सहकारी संस्थाको १२ औँ स्थापना दिवसको अवसरमा  रक्तदान कार्यक्रम सम्पन्न गरेको छ । रक्तदान कार्यक्रममा   ९२ युनिट रगत संकलन भएको छ ।

कार्यक्रम संयोजक तथा संस्थाका सञ्चालक देविप्रसाद अधिकारीको अध्यक्षतामा भएको कार्यक्रमका प्रमुख अतिथि क्षेत्रीय रक्त सञ्चार केन्द्र पोखराका प्रमुख अर्जुन ज्ञवाली रहेका थिए । संस्थाका अध्यक्ष धर्मराज भण्डारी लगायतका पदाधिकारीको रक्तदान कार्यक्रममा उपस्थिति रहेको थियो ।

कार्यक्रम संयोजक देविप्रसाद अधिकारीले स्वागत तथा कार्यक्रममाथि प्रकाश पारेका थिए । क्षेत्रीय रक्तm सञ्चार केन्द्र कास्कीको प्राविधिक सहयोगमा सम्पन्न उक्त कार्यक्रममा संस्थाको कार्यालय न्यूरोड र सुइखेत सेवा केन्द्र हेम्जाबाट ९२ युनिट रगत संकलन भएको हो । कार्यक्रम सञ्चालन संस्थाका सचिव सुजनवावु अधिकारीले गरेका थिए ।