पोखरा, १२ असार । गण्डकी प्रदेशमा शुक्रबार साँझ १४ नयाँ कोरोना संक्रमित थपिएका छन् । योसहित प्रदेशमा संक्रमितको संख्या ८ सय ६ पुगेको छ । प्रदेशका विभिन्न जिल्लामा गरी बिहानमात्रै २५ जना नयाँ संक्रमित थपिएका थिए ।

प्रदेश स्वास्थ्य निर्देशनालयले साँझ विज्ञप्ति जारी गरी लमजुङका ६, गोरखाका ५, पर्वतका २ र कास्कीका १ गरी १४ जना पुरुषमा संक्रमण पुष्टि गरेको जनाएको हो ।
जसअनुसार लमजुङको मध्यनेपाल नगरपालिकाका ५ जना छन् । उनीहरुमध्ये ५८ वर्षका २ जना, वर्ष २९, ३१ र ४५ छन् । बेशीशहर नगरपालिकाका ५९ वर्षीय पुरुष पनि संक्रमित बनेका छन् ।

उता, गोरखाको पालुङटार नगरपालिकाका वर्ष २० र २४ का पुरुष, भीमसेन थापा गाउँपालिकाका वर्ष १६, २१ र २६ का पुरुष, पर्वतको फलेबास नगरपालिकाका ७० वर्षीय र मोदी गाउँपालिकाका २३ वर्षीय पुरुष कोरोना संक्रमित भएका छन् ।

यस्तै, कास्कीको मादी गाउँपालिकाका २३ वर्षीय पुरुषमा पनि कोरोना देखिएको छ । संक्रमित देखिएका १४ मध्ये लमजुङ र कास्कीका संक्रमितको नमुना पोखरा स्वास्थ्य विज्ञान प्रतिष्ठानमा र बाँकी गोरखा र पर्वतका संक्रमितको परीक्षण राष्ट्रिय जनस्वास्थ्य प्रयोगशाला काठमाडौंमा भएको हो ।

पोखराबाट शुक्रबार नै १७ जना संक्रमित निको भइ डिस्चार्ज भएका छन् ।