टेवानले गर्यो विपन्न महिलाको कोरोना बीमा

आदर्श समाज सम्वाददाता
असार १२, २०७७
IMG-3474

पोखरा, १२ असार । पर्यटन व्यवसायी महिला संघ नेपाल (टेवान) ले पोखरामा रहेका विपन्न तथा असहाय महिलाको कोरोना बीमा गरेको छ ।

पोखराका फुटपाथ तथा डोकोमा बोकेर फलफूल, तरकारी व्यापार गर्ने १९ महिलाको बिहीबार सामूहिक कोरोना बीमा गरेको हो । टेवान र बीमा कम्पनी एनएलजी इन्स्योरेन्सबीच बिहीबार सम्झौता भएको छ । कम्पनीका प्रदेश प्रमुख तेलप्रसाद अधिकारीका अनुसार सम्झौता भएको १५ दिनपछि बीमा लागु हुने छ ।

आगामी चैतसम्म पीसीआर परीक्षणमार्फत पोजिटिभ नतिजा आउनेले एक लाख रुपैयाँ पाउनेछन् । ‘सडकमा व्यापार गर्नेहरुमा कोरोनोका संक्रमण हुने सम्भावना बढी हुन्छ,’ उनले भने, ‘कमाएर परिवार पाल्नेको बीमा गर्दा पछि बिरामी भइहाले त्यसवापत पाउने रकमले धेरै सहयोग पुग्छ ।’टेवान अध्यक्ष लक्की कार्की क्षेत्रीले कोभिड–१९ को महामारीको सन्दर्भमा सामाजिक उत्तरदायित्व अनुरुप विपन्न महिलाको कोरोना बीमा गरेको बताइन् । ‘संक्रमणको उच्च जोखिममा रहेका फुटपाथ पसले महिलाको बीमासम्म पहुँच पनि हुँदैन,’ उनले भनिन्, ‘उनीहरुको आर्थिक अवस्था समेत कमजोर भएकोले हामीले बीमा गरिदिएका हौं ।’

उपाध्यक्ष रेनु थापाले खाद्यान्न लगायत राहत सामग्री धेरैले वितरण गरेकाले केही फरक काम गर्ने उद्देश्यका साथ कोरोना बीमाको योजना अगाडि सारेको बताइन् । ‘ उनीहरुमा कसरी सुरक्षित हुने भन्ने थाहा पनि छैन । हामीलाई दैनिक तरकारी, फलफूल खुवाइरहनुभएको छ,’ उनले भनिन्, ‘हामी जुम मिटिङमा जुटेर कोरोना बीमा गरिदिने निर्णय गर्यौं ।’ टेवानकी महासचिव कमला गिरीले सडकमा डोको बोकेर व्यापार गरिरहेका महिलाको जोखिम न्यूनीकरणमा कोरोना बीमाले मद्दत पुग्ने बताइन् । ‘उहाँहरुलाई हेर्दा बीमा गर्न नसक्ने अवस्थाको पायौं,’ उनले भनिन्, ‘कोरोना लागिहाले पनि केही न केही मल्हम लगाउने काम हुन्छ ।’

पोखरा–६ का वडाध्यक्ष जगत पहारीले टेवानले फरक सोच राखेर काम गरेको बताए । महामारीको बेलामा सबैले एकआपसमा सहयोग आदानप्रदान गर्नुपर्ने उनको भनाइ थियो । टेवानकी सचिव शोभा न्यौपाने पाण्डे र कोषाध्यक्ष प्रभा सुवेदीले आगामी दिनमा संस्थाले अन्य क्षेत्रमा पनि सहयोग गर्ने उल्लेख गरे ।

Related News

सम्बन्धित समाचार

  • दूध उत्पादक किसान र सरकारबीच सहमति, आन्दोलन स्थगित

    आदर्श समाज सम्वाददाता फागुन २०, २०८०
    पोखरा ।   दूध उत्पादक किसान र सरकारबीच ५  बुँदे सहमति भएको छ । शनिबार साँझ भएको वार्तामा सहमति भएको हो…
  • संघका टुक्रे योजनाको रकमान्तर, प्रदेशका अधुरा योजनामा थपियो बजेट

    आदर्श समाज सम्वाददाता फागुन २०, २०८०
    पोखरा । स्याङ्जाको मिर्मीदेखि क्याक्मी हुँदै तनहुँको भीमाद सडक आयोजनाका लागि चालु आर्थिक वर्षमा कत्ति पनि बजेट परेन । संघ…
  • ढोडबेंसीको स्वादिलो खुदो

    आदर्श समाज सम्वाददाता फागुन १८, २०८०
    पोखरा । प्राचीन कालदेखि नै खुदोले चिनिएको क्षेत्र हो पोखरा–३२ स्थित मालेपाटन ढोडबेँसी । प्रत्येक वर्षको पुसे पन्ध्र होस् वा…
  • बिग मार्टको पोखरामा ५ शाखा एक साथ

    आदर्श समाज सम्वाददाता फागुन १७, २०८०
    पोखरा । बिग मार्टले पोखरामा ग्रान्ड ओपेनिङ गर्ने भएको छ । काठमाडौंमा ९० स्टोर सञ्चालन गरिरहेको बिगमार्टले १९ फागुनमा पोखराको…
  • घान्द्रुकमा वित्तीय साक्षरता

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिकाको घान्द्रुकमा वित्तीय साक्षरता सम्बन्धी अभिमुखीकरण कार्यक्रम भएको छ । त्यहाँ अन्नपूर्ण–२, नौडाँडा स्थित धौलागिरी लघुवित्त वित्तीय…

hero news full width