काठमाण्डौ, ७ असार । नेपालमा आइतबार ४२१ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका प्रवक्ता जागेश्वर गौतमले पछिल्लो २४ घण्टामा ४२१ संक्रमित थपिएको जानकारी दिए। योसँगै नेपालमा संक्रमितको संख्या ९ हजार २६ पुगेको छ।
आइतबार १९४ जना कोरोनाबाट निको भएर घर फर्किएका छन्। निको हुनेमा १८६ पुरुष र ८ महिला छन्। यीसहित कुल निको हुनेको संख्या १ हजार ७ सय ७२ पुगेको छ । कोरोना संक्रमणबाट नेपालमा २३ जनाको मृत्यु भएको स्वास्थ्य मन्त्रालयले जानकारी दिएको छ ।

विगत २४ घण्टामा ८ हजार ६ जनाको पिसिआर परीक्षण गरिएको छ। हालसम्म १ लाख ७५ हजार बढीको पिसिआर परीक्षण भएको मन्त्रालयले जनाएको छ । साथै मन्त्रालयले कोरोना संक्रमितको सम्पर्कका आएका व्यक्तिको खोजीकार्यलाई तीव्र बनाउने र खोजीका लागि देशैभरी समूह निर्माण गर्ने जनाएको छ ।