क्षत्री समाजद्धारा एमसीसीको बिरोध

आदर्श समाज सम्वाददाता
जेठ ३२, २०७७

पोखरा, ३२ जेठ । क्षत्री समाज नेपालले राष्ट्रिय अस्मिता, राष्ट्रिय सार्वभौमिकता, अखण्डता माथि अमेरीकी सहयोग मार्फत ल्याउन लागिएको एम.सी.सी. को भत्र्सना गरेको छ ।

विश्व यतिबेला कोभिड–१९ को महामारीबाट ग्रस्त भई सोको कारण सम्पूर्ण देश आक्रान्त भएको बेला सरकार सहयोगी अभिभावक भई जीवन रक्षामा लागेका केही विकास र धनराशिको लोभमा सत्तापक्ष र विपक्ष मिली गर्न लागिएको सम्झौता देश विरोधी, राष्ट्रघाती कार्य भएकोले सो कार्य तुरुन्त रोक्न समाजको तर्फबाट केन्द्रीय अध्यक्ष प्रा.डा. दिलबहादुर क्षत्री र महासचिव केशबहादुर केसीद्वारा जारी विज्ञप्ति मार्फत जोडदार माग गरिएको हो ।

सबै पार्टी नेता, कार्यकर्ता र आम समुदाय राष्ट्रको पक्षमा उभिएर राष्ट्रको विरुद्धमा हुने हरेक गतिविधिमा सजक रहन र परिआए कडा आन्दोलनमा पनि उत्रिन समाज तयार रहेको छ विज्ञप्तिमा भनिएको छ, विगतमा पनि राष्ट्र, राष्ट्रियता र जातीय सद्भावका लागी आमजातीको नेतृत्व दायी भूमिका खेलेको समाजले सरकारको एकतर्फी रबैया होस वा माननीयको नाउँमा सरिता गिरीबाट व्यक्त गरीएको राष्ट्र विरोधी भनाईलाई अविलम्ब कारवाहीको समेत माग गरिएको समाजका केन्द्रीय उपाध्यक्ष एवं प्रचार विभाग प्रमुख कृष्णबहादुर थापाले बताए ।

समाजले यस अघि भारततर्फबाट मिचिएको नेपाली भूमि कालापानी, लिम्पियाधुरा लगाएतको भूमि अतिक्रमण गरिएकोमा देशव्यापी विरोध जनाए पश्चात सरकारले सो भूमि समेटी प्रकाशित नेपालको नक्शा प्रति औपचारिक रुपबाट सम्पूर्ण भूमि समेटिएकोमा धन्यवाद ज्ञापन गरिएको छ । समाजले आम नेपालीको जनजीवनलाई मध्यनजर गर्दै ठोस राहत, सहयोग व्यवस्थापन गर्न विज्ञप्ति मार्फत अनुरोध गरिएको छ । जातीय सद्भाव भड्कने केही गतिविधिहरु भएकोमा आम नेपाली एक भई त्यस्ता गतिविधि नगर्न नगराउन र कोही कसैबाट कुनै जातिविरुद्ध नलागी कानुन संवत कारवाही गर्न सम्बन्धित निकायलाई ध्यानाकर्षण गराईएको छ ।

Related News

सम्बन्धित समाचार

  • गुहेश्वरी मर्चेन्टको वित्तीय साक्षरता

    आदर्श समाज सम्वाददाता जेठ ७, २०८१
    काठमाडौं । गुहेश्वरी मर्चेन्ट बैंकिङ एन्ड फाइनान्सले ललितपुर जिल्लाको ललितपुर मनपा १३ मा अवस्थित सामुदायिक विद्यालय महेन्द्र भृकुटी माध्यमिक विद्यालयमा…
  • भरतपुरमा सुजुकी मोटर्सको शोरुम

    आदर्श समाज सम्वाददाता जेठ ७, २०८१
    चितवन । सुजुकी ब्रान्डको ४ पांग्रे सवारी साधनको चितवनका लागि आधिकारिक बिक्रेता साध्वी इन्टरनेसनल प्रालि उद्घाटन गरिएको छ । भरतपुर…
  • पोखरा आइडिया मार्ट सुरु, १९ समूह छनोट

    आदर्श समाज सम्वाददाता जेठ ७, २०८१
    पोखरा । व्यवसाय प्रवद्र्धन केन्द्र पोखरा महानगरपालिकाको आयोजना एवं नेपाली युवा उद्यमी मञ्चको सहकार्यमा पोखरा आइडिया मार्ट तथा बुट क्याम्प…
  • पोउवा संघमा इलामका व्यवसायी

    आदर्श समाज सम्वाददाता जेठ ६, २०८१
    पोखरा । पोखरा र इलाम उद्योग वाणिज्य संघबीच व्यवसाय प्रवद्र्धन र उत्पादित वस्तुहरूको बजारीकरणका निम्ति सहकार्य गर्ने सहमति जुटेको छ…
  • नव सिद्धार्थ महिला सहकारीको रक्तदान

    आदर्श समाज सम्वाददाता जेठ ६, २०८१
    पोखरा । पोखरा ८ बगालेटोलस्थित नव सिद्धार्थ महिला बचत तथा ऋण सहकारी संस्थाले आयोजना गरेको रक्तदानमा ६२ युनिट रगत संकलन…

hero news full width