बागलुङ, ३२ जेठ । मनसुन शुरूवातसंगै दिनहुँ पानी परेपछि राष्ट्रिय गौरवको मध्यपहाडी लोकमार्ग ठाउँ ठाउँमा अबरुद्ध बन्दै गएको छ ।

दिनहुँ पानी पर्न थालेपछि बागलुङ जिल्ला बडिगाड , गलकोट ,निसी ,बिहुँ ,बागलुङ नगरपालिका खण्ड ठाउँ ठाउँमा पहिरो जाँदा सडक अबरुद्ध बन्न पुगेको हो । गाउँ गाउँमा मोटर बाटो लैजान मनपरि ढंगले खनिएका सडक समेत बर्षाले बगाएर ल्याएको कारणले पनि मध्यपहाडीलोकमार्ग जोखिम बन्दै गएको छ ।

सडक ठाउँ ठाउँमा वर्षासंगै आएको भेलले बगाएपछि बिग्रेको सडक कसले बनाउने भन्ने कुराको ठेगान लाग्न नसक्दा यश क्षेत्रमा यात्रा गर्ने यात्रुहरू समस्या परेका छन् । समयमै सम्पन्न गर्ने भनेर कामको जिम्मेवारी लिएको ठेकेदार कम्पनीहरू कोरोना भाइरस कोभिड १९ लाइ लक्षित गरि बन्दाबन्दी भएपछिसडकको काम गर्ने मजदुर नभएको भन्दै काम गरेका छैनन् ।राष्ट्रिय गौरवको योजना मध्यपहाडी लोकमार्ग बागलुङ जिल्लाको १४३ किलोमिटर सडक मध्ये३० किलोमिटर कालोपत्रे गर्न बाकी रहेको छ ।