गृह मन्त्रालयले लकडाउन उल्लंघन गर्नेलाई कडा कारबाही चेतावनी दिँदै सरकारविरुद्ध सडकमा प्रदर्शनी हुन नदिने जनाएको छ ।

देशव्यापी रूपमा सरकारविरूद्ध सडकमा प्रदर्शन हुन थालेपछि गृहले विज्ञप्ति जारी गरी कारबाही चेतावनी दिएको हो।

केही दिनदेखि विभिन्न बहाना वा माग राखेर सामाजिक सञ्जालबाट सर्वसाधारणलाई निश्चित स्थानमा जम्मा हुन आह्वान गर्ने, जुलुस प्रदर्शन गर्ने र शान्तिपूर्ण धर्नाका नाममा धेरै व्यक्ति सहभागी गराउने, ज्ञापन पत्र दिन जानेजस्ता कामप्रति गृहले गम्भीर ध्यानाकर्षण भएको उल्लेख गरेको छ।

लकडाउनलाई बाधा पुग्ने गरी काम गरेमा सम्बन्धित जिल्लाका प्रमुख जिल्ला अधिकारीले कारबाही गर्न सक्ने

लकडाउन आदेशको अवहेलना गर्ने वा काममा बाधा पुर्याउने व्यक्तिलाई संक्रामक रोग ऐन २०२० को दफा ३ को सजायअन्तर्गत सम्बन्धित सिडिओले नगद जरिवाना र थुनामा राख्ने उल्लेख गरेका छन्।

लकडाउनलाई बाधा पुग्ने गरी काम गरेमा सम्बन्धित जिल्लाका प्रमुख जिल्ला अधिकारीले कारबाही गर्न सक्ने गृहले चेतावनी दिएको छ ।

कोरोना नियन्त्रणमा सरकारको कामकारबाही फितलो रहेको भन्दै बिहीबार पोखरालगायत देशभरका विभिन्न ठाउँमा सयौं मानिस प्रदर्शनमा उत्रिएका थिए।