स्याङ्जाका ३ जनाले कोरोना भाइरस संक्रमण जितेका छन् । कोरोना भाइरस संक्रमण जितेको उनीहरुलाई जिल्ला अस्पताल स्याङजाबाट बुधवार डिस्चार्ज गरी घरघरमा पु¥याइएको छ ।

कोरोना जित्नेहरुमा वालिङ नगरपालिका वडा नं. १३ का २१ वर्षीय र गल्याङ नगरपालिका वडा नं. ६ का २७ र वडा नं. ७ का ४० वर्षीय पुरुष हुन । उनीहरुलाई अस्पतालले २ हप्ता होम क्वारेन्टाईनमा बस्नेगरी बिदाईगरी एम्बुलेन्स चढाएर घर पठाएको हो । जिल्ला अस्पतालको आईसोलेसनमा राखिएका ६ जना मध्ये ३ जनाको पिसिआर परीक्षण रिपोर्ट नेगेटिभ आएको हो । अस्पालतका कोरोना फोकल पर्सन डाक्टर अन्जु अर्यालले भनिन्–३ जनाको भने पोजेटिभ देखियो । दोश्रो पटक गरिएको पीसीआर परीक्षणमा ३ जनाको नेगेटिभ आएको हो भने ३ जनाको पोजेटिभ ।

जेठ २२ गते अस्पतालमले संक्रमित ६ जना र उपचारमा संलग्न ३ स्वास्थ्यकर्मीको पीसीआर परीक्षणका पोखरा पठाएको थियो । जसमा संक्रमित मध्ये ३ जना र स्वास्थ्यकर्मीं ३ जनाको कोरोना रिपोर्ट नेगेटिभ आएको अस्पतालका प्रमुख डा. सुशील मरासीनीले बताए । जेठ ११ गते उनीहरु लगायत ५४ जनाको समूह स्याङजा आएका थिए । बिभिन्न साधन प्रयोग गर्दै सुनौलीसम्म आएका उनीहरु सुनौलीबाट भने आ आफना स्थानीयतहमा आइपुगेका हुन ।

उनीहरुलाई पुतलीबजार नगरप्रमुख सीमा क्षेत्री, प्रमुख जिल्ला अधिकारी गंगाबहादुर क्षेत्री, अस्पताल ब्यवस्थापन समितिका अध्यक्ष लोकराज शर्मा, अस्पतालका मेसु डा. सुशील मरासीनी लगायतले बिदाई गरेका छन् । बुधवार कोरोना मुक्त भएका वालिङका पुरुष जेठ १३ मा र गल्याङका पुरुषको १८ गते गरिएको पीसीआर परीक्षणमा कोरोना संक्रमित भएको पुष्टि भएको थियो । अव जिल्ला अस्पतालको आईसोलेसनमा ३ जना पुरुष उपचाररत छन भने कालिका सामुदायिक अस्पतालको आईसोलेसनमा एक महिला सहित ३१ जना उपचारत छन् । स्याङ्जाका कोरोना संक्रमण देखिएक ६० वर्षीय एक पुरुषकोे निधन भईसकेको छ । हाल जिल्लामा संक्रमितको संख्या अब ३४ छ ।