पोखरा, २६ जेठ । पोखरा चेम्बर अफ कमर्स कास्कीले कोरोना भाइरसको सिर्जित असहज अवस्थामा सरकारी, अर्ध सरकारी निकाय, संस्था, स्थानीय सरकार, विद्यालय तथा हस्पिटल आदिका घर जग्गा वहाल लिने दिनेका हकमा सम्बन्धित निकायले वहालमा विशेष छुटको व्यवस्था मिलाउन आग्रह गरेको छ ।
निजी व्यक्तिको घर एवं जग्गाहरुमा उद्योग व्यवसाय सञ्चालन गर्नेको हकमा चेम्बरले घरधनीको तर्फबाट आर्थिक अवस्था समेत बिचार गरी ५० देखि ७५ प्रतिशतसम्म वहाल छुटको व्यवस्था गर्न अपिल गरेको छ । चेम्बरका बस्तुगत तर्फका उपाध्यक्ष तथा कोरोना भाइरसको जोखिम नियन्त्रण एवं न्यूनीकरण समन्वय समितिका संयोजक यमनाथ पौडेलले सोमबार प्रेस विज्ञप्ति प्रकासित गरी डेरा कोठा वहालमा लिने र आवास प्रयोजन गर्नेको हकमा जागिर तलव पाई रहेकालाई र अत्यआवश्यक सेवा अन्तर्गत व्यवसायीलाई यथावत रुपमा भाडा भुक्तानीको व्यवस्था मिलाउन आग्रह गरेका छन । विज्ञप्तिमा स्वतस्फुर्त रुपमा घरधनीले भाडा छुट गरेको अवस्थालाई स्वागतयोग्य मानिने उल्लेख छ ।
विज्ञप्तिमा लकडाउनको अवधीमा भाडा छुट गर्ने घरधनीलाई सरकारको तर्फबाट घरभाडाकर,विद्युत तथा खानेपानी महसुलमा छुटको व्यवस्था मिलाउन आग्रह गरिएको छ । ज्यालामजदुरी गर्ने विपन्न वर्गका लागि सरकारी राहातको प्याकेज भित्र परेका परिवारलाई डेरामा पुर्ण छुटको व्यवस्था गर्न अपिल गरिएको छ । कोरोना भाइरसको पिडादायी अवस्थामा केही घरधनी महानुभावले वहालमा बस्ने उद्योगी व्यवसायीलाई भाडा भुक्तानी गर्न दवाव दिने, भाडा नदिएको भन्दै घर सटर कोठा खाली गर्न दबाव दिएको चेम्बरमा गुनासो आएको उल्लेख गर्दै विज्ञप्तिमा विषम परिस्थितिमा घरवाहाल दिने व्यक्ति निकायले कुनै पनि घरवहालवालालाई कुनै पनि वहानमा निकाला गर्न नपाउने उल्लेख छ ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१